Lucas 18:7 - La'aqtaqa Ñim Lo'onatac 'Enauacna 2013

⁷ Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Nuevo Testamento Toba Sur

⁷ Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

Nuevo Testamento Toba Sombrero Negro

⁷ Chane'eja naq'aeta joñe'me Dios: nach'e ena'am de'uolo'te gaa'me liquiyaqa queda'me noloqo'ote nataq'aen pi'yaĝadi da'me yiyaĝadetapecot joñe'me. Qama'le ¿jeele yedaĝachelo da'me leuataqataĝanaĝa'j gaa'me?

Lucas 18:7 Referans Kwoze

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Lucas 2:37

qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

Mateo 7:11

Qami' matem qami' qauemaiqa, qalaq qauaỹachiñi da qaỹa'añim ca no'on cam qaỹa'alqui. Qaq ¡taloxocheyectoxo' da saq ỹactec Ñim Qarta'ai maye neta'ague da piguem da ishet da ỹanem ca no'on cam iỹaxanot Ñimaye!

Salmos 88:1

'Am Nataxala', 'Am Atamnaxala' maye ica'alaxaqui, ye na'a'q qataq ye pe, 'am seỹaxaatacot da aỹem 'autauan,

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

1 Ts 3:10

Ye na'a'q qataq ye pe seỹaxanaqtacot Ñim Lo'onatac 'Enauacna da qomi' ỹanema da qaltaq ishet da qami' ñauanaxato, da yaqto' qami' setauana'q da ỹataqta qaumachiỹo'ot da qarpi'iỹaxaqui Ñimaye.

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

Romanos 8:33

Qaq ỹoqo'oye ¿negue'tom ca ishet da ỹauo'o ca ỹasaxalec lasouaxashet nam lca'aguishecpi Ñim Lo'onatac 'Enauacna? ¡Ye Ñimaye mashe ỹa'axat da ỹapalaxat na lasouaxashetpi namayepi!

Apocalipsis 7:15

Qaq ỹoqo'oye nagui namayepi datataua'a añi nso'onaxaqui Ñim Lo'onatac 'Enauacna, qataq ima'ape naua na'axa'te qataq naua pesa'ache, da do'onataxaatacot Ñimaye da huetaua'a añi lo'onaxanaxaqui. Qaq Ñim Lo'onatac 'Enauacna hueta'aguet namayepi, qataq npaxattalec.

Tito 1:1

Aỹem Pablo, aỹem l-latac Ñim Lo'onatac 'Enauacna qataq aỹem lamaxashec So Jesucristo, da setauan da lpi'iỹaxac na lca'aguishecpi Ñim Lo'onatac 'Enauacna, yaqto' namayepi ỹauattoota da 'eesa lataxac dam qara'amqaanataxanaxac,

2 Timoteo 1:3

Da tachigui ye iuel 'am, ye na'a'q qataq ye pe da ñeqouagaxaueetac, nache sanot da ña'achec Ñim Lo'onatac 'Enauacna maye so'otta'ape naua la'aqtaqa, qataq ñanomta da qaica ca hueto'ot ỹasouaxashet. Qaq de'era nachera da 'eetec nataqa'en so hua'au ita'alpi.

Salmos 9:8

Ñimaye ỹaỹamaxatchiguiñi da 'eetec da nmit na shiỹaxauapi, qataq da ilo'ogue na ỹotta'a't nhuo' le'ecpi qalaq qaica ca iỹotauga.

Éxodo 22:23

cha'aye da sa qauyacñiỹapec camayepi, nache da aỹem iỹaxanot da setauan, nache Aỹem setauan camayepi,

Isaías 40:27

Qami' nhuo' le'ecpi maye qauachegoqoiguet so Jacob, ¿ta'ainco' da qanỹoñeetac? ¿Ta'ainco' da qoñeeta': «Ñim Nataxala' sa nanoma dam souaqaigui, Ñim Lo'onatac 'Enauacna saishet da qomi' iqocha'alo».

Mateo 24:22

Ñim Lo'onatac 'Enauacna ỹataqta ỹauotec nam maiche lca'aguishecpi, ỹoqo'oye caua na'axa'te que'eca que'eenaxac saishet da qaỹoqtre'c naqa'en Ñimaye. Cha'aye da saishet da nache 'eetec de'era Ñimaye, nache 'enauac ileu na shiỹaxauapi.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Lucas 21:28

Qaq qom ivita da yo'oq 'enauac ne'ena, nache ỹataqta qana'añaxache qataq qanauaxaỹaxañiiyishegue'm naua qarqaigolli', cha'aye mashe saqaỹapeque ca laloqo' da Ñim Lo'onatac 'Enauacna qami' nqateeguesopa da lchec.

2 Timoteo 2:10

Ỹoqo'oye ña'añaxateguet na ỹotta'a't ñeque'eenaxacpi, yaqto' na lca'aguishecpi Ñim Lo'onatac 'Enauacna nca'alec, qataq ỹaconeguet da achaalataxac maye chochaq tatec, maye ỹachaxanapec So Cristo qataq Ñim Lo'onatac 'Enauacna.

1 Pedro 1:1

Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.