Lucas 18:5 - La'aqtaqa Ñim Lo'onatac 'Enauacna 2013

⁵ qalaxaye asom pa'ai ye ỹapactec da aỹem sa ỹalemaxat. Qaq no'on da aỹem seueelec asomaye. Cha'aye da saishet da seueelec, nache asomaye saishet da ỹaxaañi da aỹem ñe'eguelaqtaua'a.›»

Nuevo Testamento Toba Sur

⁵ qalaxayi asom aso' pa'ai yi ÿapacteec da aÿim sa ÿalemaxat, qaq no'on da aÿim seuejlec asomayi, yaqto' ÿaxaañi da aÿim ñi'iguelaqtau'a. Ten, qom imateuo da iualaxavic.”

Nuevo Testamento Toba Sombrero Negro

⁵ 'noota da'me je'uolegue nayi janjo' p'ai, qa'a ja yaĝañi da'me jayem yeloiquiaĝatac; qaedi ja jayem 'te 'niyelaqa'ta qama'le en jeliñi.»”

Lucas 18:5 Referans Kwoze

Lucas 11:8

Qaq da que'eca lỹa da sa nañaxaañi da lỹaxanaxac, nache que'eca pa'atauo ỹami' ca iueetaique camaye. Qalaxaye damaye saishet da naigui da souaxat da auochaxaua, nachaqrata da yaqto' saishet da huo'o ca la'aloxo da ỹauaachigui na shiỹaxauapi.

Lucas 18:39

Nache som hua'autapi nhuogoqtega somaye, da yaqto' de'enaxaatai', qalaxaye somaye qaltaq nquigaxattec da lỹaxanaxac, 'eeta': –¡'Am maye 'am Lca'aguishec Ñim Lo'onatac 'Enauacna, Aỹem 'auchoxoren! ¡Aỹem 'autauan!

Jueces 16:16

Qaq souaxato' da 'enauaque soua na'axa'te da sa ỹalemaxat, qataq saq ỹaxaañi da inatto'ot somaye aso Dalila, nache so Sansón ỹataqta qaica ca lama', nache naconapeguela't da huotaique da ileu.

Mateo 15:23

Qalaxaye So Jesús saishet da ỹasateguet asomaye. Nache soua lapaxaguenataqa ana'c da nachoxoreetracot Somaye, 'eetra': –Ña 'auqocha'actaxa, ten, qomi' nca'attaleguete anamaye ỹa'alaqtai'.

Lucas 18:3

Qaq se'eso saq 'amaqtaq nỹecpiolec, nataqa'en netaña aso 'alo pa'ai. Qaq asomaye ỹe'eguelaqtaua'a se'eso ỹale, iỹaxaatacot da ña iueelec asomaye, souaxat so npa'aguenaxaua.

1 Corintios 9:27

Nachaqrata da aỹem selotegue da ñapaxaguenataguec qataq ỹataqta huo'o da iuogoxo da ñellañi da maiche ỹataxac. Cha'aye da aỹem sa'aqtaxaatapeguem da no'on na'axaỹaxac ca lỹa shiỹaxaua, nache sa saỹamaxaren da Ñim Lo'onatac 'Enauacna aỹem nqateua'a.

Nehemías 6:4

Qaq ivi' cuatro da qaỹe'eguelaxalec da aỹem qaicoyeguen, qalaxaye nachesota se'eso 'oonolec ỹasataxac.