Lucas 18:39 - La'aqtaqa Ñim Lo'onatac 'Enauacna 2013

³⁹ Nache som hua'autapi nhuogoqtega somaye, da yaqto' de'enaxaatai', qalaxaye somaye qaltaq nquigaxattec da lỹaxanaxac, 'eeta': –¡'Am maye 'am Lca'aguishec Ñim Lo'onatac 'Enauacna, Aỹem 'auchoxoren! ¡Aỹem 'autauan!

Nuevo Testamento Toba Sur

³⁹ Nachi som hua'autapi nhuogoqtega somayi, da yaqto' de'enaxaatai', qalaxayi somayi qaltaq nquigaxatteec da lÿaxanaxac, 'eeta': –¡'Am llalec so nta'a David, aÿim 'auchoxoden qome!

Nuevo Testamento Toba Sombrero Negro

³⁹ Jogaa'me jo'ne 'uaute' yecochaqatedac qaedi 'yemaqata, qalaĝaja ñe'me ma'ejama'le niyaĝatapejeguem: —¡¡Am David lec'oĝot, jayem avichoĝoden!!

Lucas 18:39 Referans Kwoze

Salmos 141:1

'Am seỹaxanot 'Am Nataxala', sa 'anaỹaloxon qome da 'auanac, ñaq 'aua'axaỹa da ivilỹaxac da 'am seỹaxanot.

Lucas 18:15

Qaq nataqa'en qanauegueua'a na ñaqpiolec So Jesús, da yaqto' Somaye ishet da ỹashel-lec. Qalaxaye soua lapaxaguenataqa co'ollaq ỹauaachigui de'era, nache nlaqtega nam nauectegueuo na ñaqpiolec.

2 Corintios 12:8

Qaq ỹoqo'oye tres da she'eguelaxalec da seỹaxanot Ñim Lo'onatac 'Enauacna da yaqto' nqat de'era ñeque'eenaxac.

Lucas 19:39

Nache nam fariseopi maye ỹalectaigui se'eso shiỹaxauapi, 'eeta': –'Am Napaxaguenataxanaq, no'on taxa da 'anhuogaxa na 'am ca'attague'pi.

Lucas 18:38

Nache se'eso qanamaic deỹaxan, 'eeta': –¡Jesús, 'am maye 'am Lca'aguishec Ñim Lo'onatac 'Enauacna, aỹem 'auchoxoren! ¡Aỹem 'autauan!

Lucas 18:1

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Lucas 8:49

Qaq co'ollaq ña detaqtac So Jesús, nache huo'o so nvi', chegaqa'a ca lma' so Jairo som nataxala' asom napaxaguenaxaqui na judiopi. Nache da'aqtaxanem somaye, 'eeta': –Aye 'aỹa'ale mashe ileu. No'on da 'aua'aqta'a da Napaxaguenataxanaq.

Mateo 7:7

Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Mateo 9:27

Qaq co'ollaq ca'ai yi'iye So Jesús, nache ana'c soua dos qanamaiqa. Nache ca'attraueegue Somaye, ỹataqta ỹa'alaqtai'salo, 'eetra': –¡'Am Jesús, maye 'auachegoxoguet so David maye 'am Lca'aguishec Ñim Lo'onatac 'Enauacna, qomi' 'auchoxore'n!

Lucas 18:40

Nache So Jesús vi'iiguet, nache damaxasoxona somaye da qanavigui'. Qaq co'ollaq mashe saqaỹapeque somaye, nache inat, 'eeta':