Lucas 18:32 - La'aqtaqa Ñim Lo'onatac 'Enauacna 2013

³² Qataq Aỹem qoỹanoigui qome nam chegaqauec shiỹaxauapi, da yaqto' Aỹem ỹe'enai', qataq Aỹem isheueetac, qataq Aỹem nqaigoqto'ot.

Nuevo Testamento Toba Sur

³² Qaq namayi qome qoÿanoigui nam chigaqauec shiÿaxauapi, da yaqto' i'enai', ishiueetac, qataq nqaigoqot.

Nuevo Testamento Toba Sombrero Negro

³² Qa'a jayem qoyanouelo qomle gaa'me Roma laje', qama'le jayem qoye'uetac, nataq'aen qoyejouetac nataq'aen qonatoĝolegue.

Lucas 18:32 Referans Kwoze

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Isaías 50:6

San na ilaq da yaqto' aỹem qaỹalaqan qataq sa'aqta'a da qanapo'c naua iqa' laue. Qataq saishet da seltaxaneguet na ỹashec nam aỹem isheueetac qataq nam aỹem nqaigoqto'ot.

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Marcos 14:65

Huaña, nache huo'o na nqaigoqot So Jesús, qataq huo'o na ỹaxachigui na lashec Somaye, nache iuaxaatac, qataq 'eetega, 'eeta': «¡Ña 'aua'axat, chaq negue't na 'am iuaxaatac!» Nache so huataxanaqpi maye ilotague' aso no'onaxanaxaqui late'erai somayepi pa'aiguet da iuaxaatac So Jesús, iuaxaatapoigui na lashec.

Mateo 26:67

Nache huo'o na nqaigoxoigui na lashec Somaye, qataq huo'o na iuaxaatac. Qataq huo'o na iuaxanoigui na lashec.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.

Isaías 52:14

Qaq dam 'eetec da qalota nam ỹa'aalac ñimaye, co'ollaq ỹauaachigui da sa nateneuo da lasheguiỹaxac, qataq deqat 'enauac dam lataxac cam shiỹaxaua,

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Juan 18:35

Nache so Pilato 'enapeco': –¿Peta'a aỹemo' judío le'ec? Ye nam maiche 'arhuo' le'ecpi qataq nam lataxala'pi na ntaxaỹaxanaxanecpi, nachena na 'am nauegueua'a aỹem. Qaq ¿chaq negue'to' cam 'auo'ot sa ỹaỹamaxañi?

Juan 18:30

Nache somayepi 'enapeco': –Damaye da saishettaxa da qauemaic, nache saishet da 'am ñauegaxaua'a.

Juan 18:22

Nache So Jesús co'ollaq 'enapec de'era, nache som 'oonolec som huataxanaqpi maye ilotague' aso no'onaxanaxaqui late'erai maye ỹalectauo, somaye iuaxanoigui na lashec So Jesús. Nache 'eetega, 'eeta': –¿Nache qoneteco' de'era da 'aua'aqtaxanem ñim lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna?

Lucas 23:35

Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Lucas 23:1

Nache 'enauac ñesheguem somayepi, nache qaỹauegueua'a So Jesús so Pilato.

Mateo 27:2

Nache qaicoñetta'a't naua lhua'q Somaye, ime nache qanqateeguesop so lma' so Caifás, nache qaỹauegueua'a so nta'a Poncio Pilato maye lta'a na Roma le'ecpi.

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Marcos 15:1

Qaq co'ollaq mashe yo'oxoñi, nache dataỹa't som lataxala'pi na ntaxaỹaxanaxanecpi, qataq so nqueroxonecpi maye lataxala' na judiopi qataq som dapaxaguenataxaatapeguec na nqataxacpi maye chegoqo'ot so Moisés, qataq 'enauac som nta'alpi maye loicnatac na lataxaguesat. Nache somayepi ỹauec So Jesús, qaicoñetta'a't naua lhua'q, nache ỹauegueua'a so Pilato.

Mateo 20:19

qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 22:6

qaq so laỹepi qalaq ỹataqta ỹaconeua'a so lamaxashecpi so nta'a, nache iuaxaatac, choche ivitta'a da ỹalauat.

Lucas 18:33

Qataq Aỹem iuaxaatac qome. Qaq qom ime, nache Aỹem ỹalauat. Qalaxaye qom mashe ivi' caua tres na'axa'te, nache qaltaq ñeca'alec.

Juan 18:32

Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.