Lucas 18:30 - La'aqtaqa Ñim Lo'onatac 'Enauacna 2013

³⁰ qaq camaye ỹapactec qalota qome ca taỹot nagui ne'enaua souaqtaiguilo na'axa'te, nataqa'en cam nca'alaxa maye qaica ca loga't maye ñaq natauo.

Nuevo Testamento Toba Sur

³⁰ qaq camayi ÿapacteec qalota qome ca taÿot nagui ne'enaua souaqtaiguilo na'axa'te, nataq'en cam nca'alaxa mayi chochaq tateec cam ñaq natauo.

Nuevo Testamento Toba Sombrero Negro

³⁰ qama'le yapaguegue ga'me yaconeguet nayi da'me nejiyaĝauayaĝac, nataq'aen da'me 'noyaĝac jo'ne na'taquena qom'te qamqa'me yaconeguet da'me 'loyaĝac jo'ne ja 'naidena'a.

Lucas 18:30 Referans Kwoze

Da na'aqtaguec so Job 42:10

Qaq so Job co'ollaq ime da natameeleguete soua nauochaxau', nache Ñim Lo'onatac 'Enauacna, ỹe'eguelaxatot somaye da lsallaxa, nache ỹataqta ỹagaqteetec 'enauac nam ỹami', napacalec so hua'auchiguiñi lsallaxa.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

1 Timoteo 6:6

'Eesa mque' da qara'amqaanataxanaxac So Qarataxala', damaye iviraxatta'a da ỹataqta qaica ca seuenaqtac, qalaxaye ca 'oonolec iuen da ntootapeguec cam hueto'ot.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Salmos 119:162

Cha'aye naua 'ara'aqtaqa ỹo'o't da samachiguiñi, 'eeta'am ca ilalec ca qalota nogoxoshetpi.

Salmos 119:127

Ỹoqo'oye aỹem ỹataqta sauoteque naua 'aramaxasoxonaxaco, napacalec ñaqa'en da lyac ca ỹataqta no'on oro.

Salmos 119:111

Cha'aye naua 'aramaxasoxonaxaco naamaye chochaq tatec da ỹalamaqa'ate, qaq nachenaua na ỹo'ot da ntonaxac da iquiyaqteỹaxac.

Salmos 119:103

Ỹataqta amai' naua 'ara'aqtaqa da huetaiguilo na aỹap, napacalec da lamaic ca te'esaq lli'i da taigui na aỹap.

Salmos 119:72

Cha'aye aỹem, ỹactec ñaqa'en da no'o'n naua 'arqataxaco, qaq napacalec aca qalota anom oro qataq plata.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.