Lucas 18:19 - La'aqtaqa Ñim Lo'onatac 'Enauacna 2013

¹⁹ Nache So Jesús 'enapeco': –¿Ta'ainco' ye qonetega da Aỹem soxoraic? Ye qaica ca lỹa soxoraic, 'oonolec Ñim Lo'onatac 'Enauacna maye soxoraic.

Nuevo Testamento Toba Sur

¹⁹ Nachi so Jesús 'enapeco': –¿Tá'ainco' yi qonetega da aÿim soxodaic? Yi qaica ca lÿa ñim soxodaic, 'oonolec Dios.

Nuevo Testamento Toba Sombrero Negro

¹⁹ Jesús 'yateguet joñe'me: —¿Toqoch'e jayem auenaqatenec da'me jayem 'noota? Qaya'te gamachaqaega ta'le 'noota; onolec joñe'me 'noota, mach'e Dios.

Lucas 18:19 Referans Kwoze

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Lucas 18:18

Nache anac som 'oonolec nam lataxala'pi na judiopi. Nache inat So Jesús, 'eeta': –'Am soxoraic Napaxaguenataxanaq, ¿chaq hua'ague ca sheetec, da yaqto' aỹem taỹot ca nca'alaxa maye qaica ca loga't?

Lucas 18:20

'Am peta'a 'auaỹaten nam namaxasoxonaxacpi maye 'eeta': «Saishet da 'arauañi' aca sa 'arhua; saishet da 'aualaataxan; saishet da 'aucache; qataq saishet da 'anasaxauec ca saq 'en maye ishet da na'axat ca 'arỹa; huo'o da 'enec 'anqa'en ca 'arta'a qataq aca 'arate'e.»