Lucas 18:17 - La'aqtaqa Ñim Lo'onatac 'Enauacna 2013

¹⁷ Cha'aye Aỹem shenapec na ỹaconeguet da lo'onataxanaxac Ñim Lo'onatac 'Enauacna da ilo'ogue 'enauacna, da huo'otaq saishet da 'eeta'am ca nogotolec, nache camaye saishet da ỹañoxot da inoxoneuo.

Nuevo Testamento Toba Sur

¹⁷ Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Nuevo Testamento Toba Sombrero Negro

¹⁷ Eja da'me ami ja'aĝatema queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Lucas 18:17 Referans Kwoze

Mateo 18:3

nache 'enapeco': –Ỹoqta 'eesa de'era qami' sa'aqtaxanema, da yaqto' qaunoxoñiiua'a da lo'onataxanaxac Ñim Lo'onatac 'Enauacna, nache qami' iuen da qanaralaxache da qarataxaqui, nache qoñiita'am na nogotolec.

Marcos 10:15

Qaq ỹataqta 'eesa de'era qami' sa'axatema, da ca saishet da 'eeta'am ca nogotolec da ỹaconeguet da lo'onataxanaxac Ñim Lo'onatac 'Enauacna, nache camaye saishet da inoxoneua'a da lo'onataxanaxac Ñimaye.»

1 Pedro 1:14

Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

Mateo 19:14

Nache So Jesús 'enapegalo soua lapaxaguenataqa 'eeta': «Qauaqaita'a na ñaqpiolec da Aỹem naua'a. Saishet da qauquiyoqoitapeeguet namayepi, cha'aye cam huetaigui da lo'onataxanaxac Ñim Lo'onatac 'Enauacna, camaye 'eeta'am namayepi.»

Lucas 18:16

Qalaxaye So Jesús damaxasoxoneuga so ñaqpiolec, qataq 'enapegalo soua lapaxaguenataqa, 'eeta': –Ña qauaqaỹa'a qome na ñaqpiolec da Aỹem naua'a, saishet da sa qanashiñiiguet, cha'aye ca 'eeta'am ca 'oonolec namayepi, nache ishet da inoxoneua'a da lo'onataxanaxac Ñim Lo'onatac 'Enauacna.

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,