Lucas 18:14 - La'aqtaqa Ñim Lo'onatac 'Enauacna 2013

¹⁴ Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Nuevo Testamento Toba Sur

¹⁴ Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Nuevo Testamento Toba Sombrero Negro

¹⁴ Ami ja'aĝatema queda'me dojo' lo'o da'me qoyejeten di'me Roma joote Dios yachimaĝachiñe da'me 'loyaĝac da'me 'viyelaĝa ga'me 'lachaqa', qalaĝaja ja naq'aeta ñe'me fariseo. Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.”

Lucas 18:14 Referans Kwoze

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Santiago 4:10

Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.

Mateo 23:12

Cha'aye cam ipettega da nataỹaña da la'amaqchec na laỹepi, nache camaye qaỹo'otec da qaica ca la'amaqchec. Qaq nam sa na'amaqten, qalaq nachena na qaỹamata'ac da 'amaqtaqaic.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Lucas 1:52

Deuotaxanec da lo'onataxanaxac na 'añaxaicpi, ime, nache ỹanem da la'añaxac na choxoraqpi.

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Proverbios 3:34

Ñim Nataxala' ỹataqta ỹe'enai' na 'enaxanaxaicpi, qalaxaye ỹanem da nqouagaxa ca qaica la'amaqchec.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Gálatas 2:16

Qalaxaye qomi' ỹataqta saỹaanaqta da Ñim Lo'onatac 'Enauacna ỹaconeguet cam ỹataqta huo'o da lpi'iỹaxac So Jesucristo, qaq qaica ca nca'alec da chegoqchigui da ỹalaxaguet na namaxasoxonaxacpi. Qaq ỹoqo'oye qomi' sa'amaqtenaq So Jesucristo, da yaqto' ishet da qomi' ỹaỹamaxareete' Ñim Lo'onatac 'Enauacna souaxat de'era qarpi'iỹaxac Ñimaye. Cha'aye saishet da huo'o ca ỹaỹamaxareeta Ñim Lo'onatac 'Enauacna souaxat da ỹo'ottac na namaxasoxonaxacpi.

Romanos 4:5

Qalaxaye Ñim Lo'onatac 'Enauacna ỹa'axat da qaica ca lasouaxashet ca 'etaxaloxoic, na'aictaxa da que'eca 'etaxaloxoic qaica ca ỹo'ot da huo'otaq taiguet da ỹaconeguet damaye, cha'aye Ñim Lo'onatac 'Enauacna ỹaỹamaxareeta camaye souaxat da huo'o da lpi'iỹaxac.

Romanos 3:20

Da sepagaqtelec na namaxasoxonaxacpi, nache saishet da ỹa'axat da qaica ca qarasouaxashet da hueto'ot Ñim Lo'onatac 'Enauacna; cha'aye na namaxasoxonaxacpi ỹo'ot da qomi' saỹatenaqta da qomi' 'etaxaloxoiqa.

Lucas 10:29

Qalaxaye som dapaxaguenataxaatapeguec na namaxasoxonaxacpi saishet da maguiñi souaxat de'era lasataxac So Jesús, nache qaltaq ỹe'eguelaxalec da inat Somaye, 'eeta': –¿Negue't cam ỹalamaxat iqaỹa?

Proverbios 18:12

Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

Da na'aqtaguec so Job 22:29

Cha'aye Ñim Lo'onatac 'Enauacna huetaiya' naqa'en ca ño'oxonnaxaic qataq nauaxaỹaxaasheguem ca sa na'amaqten.

1 Samuel 1:18

Nache aso Ana 'enapeco': «Ỹataqta qalota da ña'achec.» Ime, nache aso Ana ỹe'eguelaxa som chegoqchiguiña, nache deque'e, qataq nache saishet da ỹe'eguelaxa da daquicotac.

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Romanos 8:33

Qaq ỹoqo'oye ¿negue'tom ca ishet da ỹauo'o ca ỹasaxalec lasouaxashet nam lca'aguishecpi Ñim Lo'onatac 'Enauacna? ¡Ye Ñimaye mashe ỹa'axat da ỹapalaxat na lasouaxashetpi namayepi!

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Isaías 45:25

Qaq chegoqchigui Aỹem da 'enauac na nhuo' Israel le'ecpi, da dauegaxan qome, nache huo'o qome da na'amqaanaxac souaxat Aỹem.›»

Da na'aqtaguec so Job 9:20

Qaq na'aictoxo' da qaica ca ỹasouaxashet, qalaxaye naua ỹa'aqtaqa nachenaua naua aỹem ỹasouaxa't. Qataq na'aictoxo' da no'on da ỹataxac, qalaxaye Ñimaye nache 'ena'am huo'o naqa'en ca ỹasouaxashet,

Habacuc 2:4

Qaq nam qauemaicpi namayepi ỹataqta na'amqaanaxaicpi, qalaxaye nam no'on da lataxac qalaq nache nca'altauec qome souaxat da lpi'iỹaxac.

Eclesiastés 9:7

Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Salmos 143:2

Saishet qome da 'anmittac ne'ena 'aramaxashec, cha'aye qaica ca 'enapec qaica ca ỹasouaxat da 'am datato'ot.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Proverbios 25:7

cha'aye no'on da maiche 'am qaỹaviguisheguema camaye, qaq saq 'ena'am da qaỹauota'a da 'ara'aloxo da 'am ỹauaachigui na 'amaqtaqaicpi. Ỹoqo'oye da huo'o ca 'auauaachigui,