Lucas 18:12 - La'aqtaqa Ñim Lo'onatac 'Enauacna 2013

¹² Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Nuevo Testamento Toba Sur

¹² Aÿim dos da shi'iguelaxalec da ñoqouaqchijla't naua siete na'axa'te, qataq aÿim seÿotauga añi 'oonole nam diez mayi ñauectacpi da 'am sanot.”

Nuevo Testamento Toba Sombrero Negro

¹² Jen dojolqa ñoqouaqatela't ga'me semana, nataq'aen nale diez da'me yoĝonaĝanaĝac qama'le jecolaĝatetegue ga'me onolec jo'ne am janem.»

Lucas 18:12 Referans Kwoze

Lucas 11:42

¡Ỹataqta qauem da qa'aita'ague! Cha'aye ỹataqta lta'araic da qarhuogoqoi da qaỹa'añiỹot Ñim Lo'onatac 'Enauacna añi 'oonole ana diez anam qa'añiguishe maye huo'o ana ala, qataq na menta qataq ana ruda maye qanqache da qauachegoxochiỹalec na qa'anaxanaqa'ai. Qalaxaye qami' saishet da no'on da qarataxaqui da qoñiitaigui na shiỹaxauapi, qataq saishet da qauauochec Ñim Lo'onatac 'Enauacna. Qaỹa'añim Ñim Lo'onatac 'Enauacna añi 'oonole ana diez 'enauac ana qarachetaqtaxanaqche, qalaxaye iuen da saishet da qaỹa'axañiiuec da qarauotaxanaqtaiqui Ñim Lo'onatac 'Enauacna qataq da no'on qarataxaqui.

Mateo 9:14

Soua lapaxaguenataqa so nachelaxanataxanaq maye le'enaxat Juan nareua'a So Jesús. Nache inatta'ape, 'eeta': –Qomi' qataq na fariseopi ỹataqta qalota naxa da ñeqouaqchetaqtac, ¿Qaq ta'ainco' naua 'arapaxaguenataqa ye saishet da nache 'eetec de'era?

Lucas 17:10

Qaq nache 'eetec qami' da qaumache 'enauac nam qami' ỹamaxaleguete Ñim Lo'onatac 'Enauacna, nache saishet da qauacheetaique da qami' ỹanema ca na'achec. Nachaqrata da qoñiita': «Qomi' choche qomi' namaxa'she, nachaqrata da so'otaq qataq sepagaqtelec dam qanamaxasaguec.»

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Malaquías 3:8

Qaq Aỹem shenapec: ¿Cam shiỹaxaua peta'a ishet da decachiỹot Ñim Lo'onatac 'Enauacna? ¡Qalaxaye qami' Aỹem qaucachiitacot! Qalaq ñaq 'eetalec qaunataxañiitac, qoñiita': «¿Negue't cam saconaxa da 'Am secachaqtacot?» ¡Qomye Aỹem sa qandoiua'a ana qarachetaqtaxanaqche, qataq ana qandiezmoi!

Efesios 2:9

Qaq damaye saishet da chegoqchigui ca ỹaỹamaqchiguiñi ỹo'ottac ca shiỹaxaua, yaqto' saishet da huo'o ca na'amqangui damaye.

Gálatas 1:14

Ỹataqta sepaqueelec da la'amqaanataxanaxac na judiopi ñapacalec nam qalota judiopi maye ñaloxouapi, qataq aỹem ñalemaqte' da sepaqueelec na napaxaguenataxanaxacpi maye sachegoxoto'ot so hua'au ita'alpi.

1 Corintios 1:29

yaqto' da qaỹatato'ot Ñim Lo'onatac 'Enauacna, nache qaica ca na'amaqteetai'.

Romanos 3:27

Da souaqto'ot Ñim Lo'onatac 'Enauacna, nache iuen da saishet da ño'oxonnaqtai'. Cha'aye Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac So Jesucristo, qaq saishet da chegoqchigui da salaxasoxoguet na namaxasoxonaxacpi maye chegoqo'ot so Moisés.

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

1 Samuel 15:13

Nache so Samuel nqo'ona ye hueta'a so Saúl, nache so Saúl 'enapego' somaye, 'eeta': Ñim Nataxala' 'am ỹanem qome da 'anqouagaxa. Aỹem mashe sepacchigui da so'ot da lamaxasoxonaxac Ñim Nataxala'.

Números 23:4

Nache Ñim Nataxala', nachaxana so Balaam, nache so Balaam 'enapeco': Aỹem samaxasoxooleguete da qano'oxoyishegue'm ñeua siete nca'atoxonaxalate, nache añi 'oonole ñiimaye, sachalec ñi 'oonolec huaca llalec, qataq 'oonolec qagueta lhuaraic, da yaqto' 'Am sanot da ỹachetaqtaxanat.

Números 18:24

Cha'aye na leviitapi, sanem da lalamaqte ana diezmo maye chegaqaigui nam ala na nañiguishecpi maye Aỹem ỹanot na Israel le'ecpi. Ỹoqo'oye shenapega co'ollaxa namayepi da saishet da huo'o ca sanem da lalamaxat ne'ena 'alhua na Israel.»

Mateo 5:20

Qaq ỹoqta 'eesa de'era qami' sa'axatema da saishet da qanapacỹalec da lalaxayec nam fariseopi qataq nam dapaxaguenataxaatapeguec na namaxasoxonaxacpi, nache saishet qome da qaunoxoñiiua'a da lo'onataxanaxac Ñim Lo'onatac 'Enauacna.