Lucas 17:3 - La'aqtaqa Ñim Lo'onatac 'Enauacna 2013

³ Qaq ỹoqo'oye, ¡qanchelỹañi qome da huo'o ca qauo'oche! Ca 'anauochaxaua qom huo'o ca 'am ỹo'otec sa ỹaỹamaxañi, qaq no'on da 'auachaxana cam 'am ỹo'otec camaye. Qaq da 'am iỹaxanot da 'auchoxoren, nache 'am no'on da 'auchoxoren.

Nuevo Testamento Toba Sur

³ Qaq maxatchaxa qome. Ca 'adqaÿa qom huo'o ca 'am i'otec sa ÿaÿamaxañi, qaq no'on da 'avidaxato'ot camayi. Qaq da huo'otaq ÿaxaneec ca n'onataxac, qaq 'auchoxoden.

Nuevo Testamento Toba Sombrero Negro

³ “¡Achiya'aguet qomle da'me dojo'! Qom ga'me adaqaya ya'uo loec, auoqochaq; qalaĝaja qom 'ñemaĝachiñe da'me 'loyaĝac, auapalaĝat da'me laviyaĝac.

Lucas 17:3 Referans Kwoze

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Mateo 18:21

Nache so Pedro nquigueua'a So Jesús, nache inat 'eeta': –'Am Ỹataxala', da huo'o ca 'oonolec nam ỹaqaỹañicpi maye ỹa'amqaanataxanaxauapi da aỹem ỹo'otec ca qauem, nache ¿chaxan lcate' da she'eguelaxalec da sechoxoren camaye? ¿Peta'a siete da she'eguelaxalec da sechoxoren?

Proverbios 9:8

Saishet da 'aviraxato'ot ca nogaqaic ten qom 'am nquiỹa, 'aviraxato'ot qome ca ỹaanaxanaxaic yaqto' 'am ỹauotec.

Santiago 5:19

Qami' ỹaqaỹarolqa maye sa'amaqtenaqtac So Cristo, da huo'o ca 'oonolec da qoñiita ca'ai da 'eesa lataxac maye qaỹapaxaguenec, qaq da huo'o ca lỹa da huo'otaq ỹe'eguelaxateua'a da lpi'iỹaxac,

Proverbios 27:5

Qataq ỹaỹamaqchiguiñi ca qaichoxotta nviraqtaxanaxac, saq 'ena'am da nauotaxanaqtaic maye saqaichoxot.

Deuteronómio 4:23

Qalaxaye maxatchaxa qome, saishet da qaucouaỹa'ai da aỹamaxataxac maye qami' ỹo'oteque Ñim Nataxala' maye Qanatamnaxala'ai. Qataq saishet da qauo'oche ca qare'enaqtaqui qanatamnaxala'ai, cha'aye Ñim Nataxala' maye Qanatamnaxala'ai qami' illapeguema co'ollaxa namaye,

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Éxodo 34:12

Saishet qome da qanaỹamaxache' na netalec yi'iye 'alhua maye qaunoxoñiiua'a qome, yaqto' saishet da qaue'enaxache da qauem lataxac yemayepi.

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Proverbios 17:10

Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,