Lucas 17:29 - La'aqtaqa Ñim Lo'onatac 'Enauacna 2013

²⁹ Qalaxaye co'ollaq ca'ai so Lot ye Sodoma, nache anac so norec qataq so quiquiaxaraic chegoqo'ot na piguem, nache ỹalauat 'enauac somayepi.

Nuevo Testamento Toba Sur

²⁹ Qalaxayi co'ollaq ca'ai so Lot so la ciudad Sodoma, nachi qananacot so nodec qataq so 'ico' quiquiaxadaic, chigoqo'ot na piguem, nachi ÿalauat 'enauac somayipi.

Nuevo Testamento Toba Sombrero Negro

²⁹ qalaĝaja, ca'li Lot yenoĝonegue ga'me noic jo'ne Sodoma, nauaĝañe ga'me dole'alo, qama'le ena'uaque yele'u.

Lucas 17:29 Referans Kwoze

Apocalipsis 11:8

Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

2 Pedro 2:6

Ñim Lo'onatac 'Enauacna nataqa'en ỹauo'o da nhuaxanaguec so shiỹaxauapi maye lma' ye nỹecpi ye Sodoma qataq ye Gomorra, nache ỹavigaxat, iviraxata'a da ndota't na alo, da yaqto' laloqnaxanaxat, dam huotaique 'eetec maye talec naqa'en nam shiỹaxauapi maye qauemaicpi.

Sofonías 2:9

Qaq Aỹem maye ñeca'altauec, 'enapec Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi; na Moab le'ecpi 'eeta'am qome ye Sodoma, qaq nam llalaqpi so Amón qalaq 'eeta'am qome ye Gomorra, nache yemaye ñaxaalec qome ana huoue le'enaxat poqo, qataq hualec qome na toue, qataq yemaye nache 'eetai' qome da toolec. Qaq cam no'onañi qome nam ỹalamaxat nhuo' le'ecpi, deuotaxanec qome yemaye, qataq nache nalec qome yi'iye 'alhua.»

Jeremías 50:40

Qaq 'eeta'am qome so Sodoma qataq so Gomorra, qataq so lauoreuapi huaqta'a't nỹecpi maye ỹotta'a't naua nañalo co'ollaq qailaxachigui. Nache qaica qome ca ỹe'eguelaxa da nalec yemaye, huo'otaq da choche lanataqa'. Qaq 'era da ỹa'aqtac Aỹem Nataxala'.

Isaías 13:19

Qaq ye Babilonia maye llo'oxonnatac na ỹotta'a't shiỹaxauapi qataq ỹo'ot da llo'oxoyec qataq da ño'oxonnaxac na caldea le'ecpi, yemaye 'eeta'am qome ñaqa'en ye Sodoma qataq ye Gomorra co'ollaq selaxachigui.

Amós 4:11

Qataq qami' seroleguete so ỹataqta lta'araic lchec da qami' ñelaxaayiñi, 'eeta'am co'ollaq ñelaxaañi ye Sodoma qataq ye Gomorra, nache qoñeeta'am aca poqo maye qanqateeguesop ca norec, qalaxaye ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Isaías 1:9

Ñim Nataxala' maye Qaica ca Ỹaqalanapec, taxa da qaica ca no'onaxatañi da nca'altauec da shenaqta, qaq nagui taxa nache shenaqta'ama soua Sodoma qataq Gomorra.

Lucas 17:28

Qaq nache 'eetec nataqa'en soua vi'iye maye huetaiguilo co'ollaxa so Lot: so shiỹaxauapi deque'etac qataq nỹomtac qataq maiche nmeetega't, danaxaatac qataq ỹo'otta'ape naua lma'ate.

Lucas 17:30

Qaq 'era qome da sheetec Aỹem Shiỹaxaua Llalec, qom ivita que'eca na'a'q da ñachaxan.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.