Lucas 17:26 - La'aqtaqa Ñim Lo'onatac 'Enauacna 2013

²⁶ Qaq Aỹem Shiỹaxaua Llalec qom ñe'eguelaq, nache na shiỹaxauapi da lataxac, 'eeta'am co'ollaq so na'a'q maye huetaigui so Noé.

Nuevo Testamento Toba Sur

²⁶ Qaq 'eeta'am qome da 'eetec soua vi'iyi mayi huetaiguilo co'ollaxa so Noé, qaq nachi 'eeta'am nataq'en ca na'a'q mayi huetoigui da ñi'iguelaq ne'ena shiÿaxaua llalec.

Nuevo Testamento Toba Sombrero Negro

²⁶ Nach'e ena'ama gaa'me noloqo'ote ca'li 'uo di'me Noé, nach'eda eeta ena'ama gaa'me noloqo'ote qomle 'ñiyelaq.

Lucas 17:26 Referans Kwoze

2 Pedro 2:5

Nataqa'en Ñimaye saishet da ichoxonnai' so shiỹaxauapi 'etaxaloxoicpi so na'a'q maye huetaigui so Noé. Nachaqrata da namaq co'ollaxa so auot, nache npaxaasheguem naqa'en ana 'alhua, nache 'enauac ileu somayepi. Qaq chaqsota so Noé nca'alaxatec, som 'eetega co'ollaxa so shiỹaxauapi da ỹo'ot ca ỹaỹamaqchiguiñi. Qaq so Noé huo'oi soua lỹa't siete lca'alaxau'.

Lucas 17:24

Cha'aye Aỹem Shiỹaxaua Llalec qom ñe'eguelaq, nache 'enauac da Aỹem qaila'a, 'eeta'am na nqashelgaxa da nqashilliguiñi, nache imata 'enauac na piguem.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Lucas 17:22

Nache 'enapegalo soua lapaxaguenataqa, 'eeta': «Huo'o qome ca na'a'q, qaq qami' huo'o da qaryaqai da qauloỹa'a ca laloxoqui maye huetoigui da Aỹem, maye Aỹem Shiỹaxaua Llalec ñachaxan, qalaxaye saishet qome da qauloỹa'a.

2 Pedro 3:6

Nataqa'en do'ogoxona na 'etaxat da ỹo'ot so lta'araic auot da yaqto' ilaxachigui na huetalec ana 'alhua se'eso na'a'q.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Lucas 18:8

Qaq Aỹem shenapec da ỹataqta qaica ca ỹega Ñimaye da iueelec ca lca'aguishec. Qalaxaye Aỹem Shiỹaxaua Llalec qom ñe'eguelaq, qaq ¿peta'a ñaq huo'o qome nam ỹa'amaqteetac Ñim Lo'onatac 'Enauacna nam huetalec ana 'alhua?»

Génesis 6:8

Qalaxaye Ñim Nataxala' nachesota so Noé da ỹaỹamaxareeta co'ollaxa.

Isaías 22:13

Qalaxaye qami' qauo'ocheetac da na'ashaxac, nache qauamaitapiguiñi qaualauache aso huacapi qataq aso qaguetapi, nache qolliquiitac so lapat qataq qanỹomiitapigui so lataxa. Nache qoñiỹapec: «Sequia'aq qataq ñiỹomaq cha'aye qonte' nache seleuaq.»

Lucas 17:7

Da huo'o ca 'oonolec da qoñiita da huo'o ca l-latac, qaq camaye da huo'otaq chegaqauga na no'onaxa da huo'otaq mashe imat da na'attapiguisheguem na 'alhua, huo'otaq da ilotague' cam 'atetpi, qaq ¿'am peta'a ishet da qonapega da qoneta': «'Aỹala, 'anso'ooñi, 'auque'e?»

Lucas 17:27

Somayepi deque'etac qataq nỹomtac, qataq huarootega't qataq huetapegue' da laronaxac na llalpi, choche ivitta'a so na'a'q co'ollaq so Noé inoxonoigui aso nnotaxaqui maye quiguingui na 'etaxat. Nache anac so auot, huaña, nache ileu 'enauac somayepi.