Lucas 17:25 - La'aqtaqa Ñim Lo'onatac 'Enauacna 2013

²⁵ Qalaxaye hua'auñi qome da saigui na qalota ñeque'eenaxaguesat, qataq saishet qome da Aỹem qaỹaconeguet, saishet da Aỹem ỹaconeguet nam shiỹaxauapi maye huetaigui nagui ne'ena na'a'q.

Nuevo Testamento Toba Sur

²⁵ Qalaxayi namayi hua'auñi qome da taigui na qalota nque'ejnaxaguesat, qataq sa ishit qome da qaÿaconguet, sa ÿaconguet nam shiÿaxauapi mayi huetaigui nagui.

Nuevo Testamento Toba Sombrero Negro

²⁵ Qalaĝaja, 'uaeñe qomle da'me jalcote da'me qoyen yachoĝodec nataq'aen jayem 'yotatedac ga'me jiyaĝadipi jo'ne maliaĝa uo'oe nayi.

Lucas 17:25 Referans Kwoze

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Lucas 9:22

So Jesús nataqa'en 'enapegalo soua lapaxaguenataqa 'eeta': «Aỹem, maye Aỹem Shiỹaxaua Llalec, ỹataqta qalota qome da ñeque'eenaxac. Cha'aye na nataxala'pi maye ilotague' ne'ena 'alhua, qataq na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, namayepi Aỹem ỹamaqauec qataq Aỹem ỹalauat. Qalaxaye da mashe ivi' caua tres na'axa'te, nache qaltaq ñeca'alec.»

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Juan 1:11

Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

Lucas 18:33

Qataq Aỹem iuaxaatac qome. Qaq qom ime, nache Aỹem ỹalauat. Qalaxaye qom mashe ivi' caua tres na'axa'te, nache qaltaq ñeca'alec.

Marcos 12:10

¿Saishet peta'a da qantooñic dam nanettalec ana nere maye huetalec na la'aqtacpi Ñim Lo'onatac 'Enauacna maye, 'eeta'?: ‹So coma' maye ỹo'otan co'ollaxa, som ỹo'oxootac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Mateo 21:42

Nache So Jesús 'enapeco': –¿Qami' peta'a sa ỹauanapego' da qautaxaỹaxañi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna maye, 'eeta'?: «So coma' maye ỹo'otan co'ollaxa, som ỹo'oxootac añi no'onaxanaxaqui late'erai nacheso nagui som ỹe'eguelaxa da ỹataqta nhuenec da qaỹo'ot ca nỹec. Qaq damaye ỹo'ot da qara'aalaxa, cha'aye nacheñi Ñim Lo'onatac 'Enauacna maye ỹo'ot de'era.»

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Juan 12:38

Qaq ỹataqta ipacchigui dam la'aqtaxanaxac som la'aqtaxanaxanec Ñim Lo'onatac 'Enauacna, le'enaxat Isaías maye, 'eeta': 'Am Ỹataxala', ¿negue'tom ca ishet da ỹa'amaqten da qara'aqtaxanaxac? Qataq ¿negue'tom ca ỹachaxana da la'añaxac Ñim Nataxala'?

Lucas 24:46

Nache 'enapeco': –Dam nanettañi ỹa'axat da ca Lca'aguishec Ñim Lo'onatac 'Enauacna, iuen da hua'auñi da qaỹalauat. Qaq qom mashe inoxoore'c caua tres na'axa'te, nache qaltaq nca'alec.

Lucas 18:31

Nache So Jesús iỹaxanalo soua doce lapaxaguenataqa da iỹotaugalo, nache 'enapegalo, 'eeta': –Nagui qomi' saxague da Jerusalén, nache huaña qome yemaye da ipacchigui 'enauac dam na'aqtaguec na Shiỹaxaua Llalec, maye ỹiyiñi co'ollaxa som la'aqtaxanaxanecpi Ñim Lo'onatac 'Enauacna.

Marcos 10:33

«Qami' qauaỹaañita da nagui qomi' saxague da Jerusalén. Qaq huaña qome yemaye nache Aỹem Shiỹaxaua Llalec Aỹem qoỹaneua'a na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na dapaxaguenataxaatapeguec na namaxasoxonaxacpi. Nache namayepi qome ỹauo'o ca Aỹem ỹasaxalec la'aqtac saq 'en, maye 'eetega ỹasouaxashet cam Aỹem ỹauega ca ñalaataguec qataq Aỹem ỹaneua'a nam chegaqauec shiỹaxauapi,

Marcos 9:31

cha'aye Somaye huotaique da nalemaqte' da ỹapaxague'n soua lapaxaguenataqa nache, 'eeta': «Aỹem Shiỹaxaua Llalec Aỹem qoỹaneua'a qome na shiỹaxauapi da yaqto' Aỹem ỹalauat. Qalaxaye qom inoxoore'c caua tres na'axa'te, nache qaltaq ñeca'alec.»

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»

1 Samuel 8:7

qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.