Lucas 17:24 - La'aqtaqa Ñim Lo'onatac 'Enauacna 2013

²⁴ Cha'aye Aỹem Shiỹaxaua Llalec qom ñe'eguelaq, nache 'enauac da Aỹem qaila'a, 'eeta'am na nqashelgaxa da nqashilliguiñi, nache imata 'enauac na piguem.

Nuevo Testamento Toba Sur

²⁴ Cha'ayi camayi 'eeta'am na nqashilgaxa da huo'otaq nqashilguiñi, nachi imata 'enauac na piguem. Qaq 'eda qome da 'eetec ca lvidaxac ne'ena shiÿaxaua llalec qom ivita ca na'a'q da ñi'iguelaq.

Nuevo Testamento Toba Sombrero Negro

²⁴ Qa'a ena'am ga'me laqaselegaĝa di'me piyem, mane'e da'me edañgui yicoyadelo'te naa'me lael di'me piyem, nach'e naq'aeta qomle jayem jo'ne Jiyaĝaua Lec'oĝot ga'me nolo' da'me 'ñiyelaĝaquena.

Lucas 17:24 Referans Kwoze

Mateo 24:27

Cha'aye Aỹem Shiỹaxaua Llalec qom ñanac, nache saishet da ñeqañoxottañi. 'Enauac da Aỹem qaila'a, cha'aye que'eca iviraxac 'eeta'am ca nqashelgaxa da nqashilliguiñi qalaq imata na piguem.

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Zacarías 9:14

Ñim Nataxala' nachaxan qome, da hueta'aguet na lalamaxat nhuo' le'ecpi; qaq da ỹaỹenec aca lchecna qalaq 'eeta'am da layaqchec ca nqashelgaxa. Ñim Lo'onatac 'Enauacna maye Nataxala', ỹasheeyegui qome aca lasheere, ime nache jec, queuoigui na la'at maye chegaqa'ague da taguiñi.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

2 Ts 2:2

da saishet qome da qalhuotta'a da qaỹashaxanec da qarhuennataxaqui, qataq saishet da qami' icolanaqche't da huo'o ca 'eetega da mashe ivita ca laloqo' da ñe'eguelaq So Qarataxala'. Cha'aye saiuena'a da huo'o ca datenataxan da 'eetega ỹa'aqtaxanaxan So Saqcha'a Na'añaxac, huo'otaq da 'eetega da qarapaxaguenataxanaxac, huo'otaq da seraqtalec ana qorere de'era.

1 Ts 5:2

Cha'aye qami' mashe qauaỹaañita que'eca na'a'q maye lviraxaqui So Qarataxala'. Camaye huetoigui ca na'a'q da sa qaỹauapeque, 'eeta'am ca cachaxaic da quetagui ye pe.

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Ezequiel 1:14

Qaq se'esoua maye huo'o da lca'alaqa' jec naxa, qaltaq ñe'eguela'q, 'eeta'am da layaqchec na nqashelgaxa.

Mateo 5:15

Qataq saishet da qoỹegueua'a aca ncoỹaraxanaxaqui, da yaqto' qoỹano'ot na pa'aguiñi ca naretaxanaxala'. Nachaqrata da qoỹanasheguem, da yaqto' icoỹarelec 'enauac nam hueta'a ca nma'.

1 Corintios 1:8

Qaq Ñimaye ỹataqta qami' nasoqchiyiñi, qami' iviraxatta'alo ca loga'tna, yaqto' qaica ca ỹauo'o ca qarasouaxashechi qom nvi' So Qarataxala' Jesucristo.