Lucas 17:21 - La'aqtaqa Ñim Lo'onatac 'Enauacna 2013

²¹ Qataq saishet da qoỹeeta': «¡'Ena namaye!» huo'otaq da qoỹeeta': «¡'Era cha'a!» Cha'aye da lo'onataxanaxac Ñim Lo'onatac 'Enauacna mashe qami' huetanguilo.

Nuevo Testamento Toba Sur

²¹ Qataq sa ishit da qoÿiita': “'Ena namayi,” huo'otaq da qoÿiita': “'Eda cha'a,” cha'ayi da l'onataxanaxac ñi Dios mashi qami' huetanguilo.

Nuevo Testamento Toba Sombrero Negro

²¹ Qaya'te gamachaqaega enaac: «¡Jenjo' jena'me ue'ta!» uotaĝa «¡Di'cha'a di'me ue'ta!», qa'a da'me lejaliaĝa joñe'me Dios joote ami uetauelo.

Lucas 17:21 Referans Kwoze

Mateo 12:28

Qaq Aỹem da so'orauec na saqcha'a na'añaxac leguemaxaicpi da so'otaxaatega da Saqcha'a La'añaxac Ñim Lo'onatac 'Enauacna. Qaq damaye ỹachaxan da lo'onataxanaxac Ñim Lo'onatac 'Enauacna da mashe hueta'a ne'ena.

Romanos 14:17

Da lo'onataxanaxac Ñim Lo'onatac 'Enauacna da ilo'ogue 'enauacna, damaye saishet da ỹectega cam qanallec qataq cam qanỹomgui. Nachaqrata da iuen da qaỹo'ot cam ỹaỹamaqchiguiñi qataq qanayeetaigui da nlagaxayec qataq tonaxac. Qaq 'enauac de'era ishet da qaỹo'ot chegoqchigui So Saqcha'a Na'añaxac Qui'itta.

Marcos 13:21

Qaq que'eca na'a'q da huo'o ca 'eeta': «Ñaq qauloỹa, 'ena na Lca'aguishec Ñim Lo'onatac 'Enauacna hueta'a ne'ena», huo'otaq da, 'eeta': «'Iñi cha'a ñi Lca'aguishec Ñim Lo'onatac 'Enauacna», qalaq saishet qome da qaua'amaqchiñi.

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

Lucas 21:8

Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Lucas 17:23

Huaña qome, nache huo'o ca 'eeta': ‹¡'Ena namaye, hueta'a ne'ena!› huo'otaq 'eeta': ‹¡'Era damaye, hueta'ague de'era!› Qalaxaye saishet qome da qoqui da qauca'acheegue.

Juan 1:26

Nache so Juan 'enapeco': –Aỹem sachelaxanataxana na 'etaxat. Qalaxaye da qoñiita huo'o dam qami' huetanguilo maye saishet da qauauattoñi.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.