Lucas 17:20 - La'aqtaqa Ñim Lo'onatac 'Enauacna 2013
20 Nache nam chegaqaigui na fariseopi inattac So Jesús, da chaq lagui qaq ivita ca laloqo' da Ñim Lo'onatac 'Enauacna da do'onataxan. Nache Somaye ỹasat, 'eeta': –Ca lviraxac da lo'onataxanaxac Ñim Lo'onatac 'Enauacna, camaye saishet da qaila'a.
20 Nachi so fariseopi inattac so Jesús da chaq lagui qaq nvi' cam l'onataxanaxac ñi Dios da ilo'ogue 'enauacna. Nachi somayi ÿasat, 'eeta': –Ca lvidaxac da l'onataxanaxac ñi Dios da ilo'ogue 'enauacna, camayi sa ishit da qaila'a.
Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.
Qaq So Jesús co'ollaq mashe saqaỹapeque ye nỹecpi ye Jerusalén. Nache so shiỹaxauapi maye na'axaỹaxaatega Somaye, ipi'itaxaatega da Ñim Lo'onatac 'Enauacna mashe ivita ca laloqo' da ilo'ogue 'enauacna.
Choche ivitta'a co'ollaq nvi' so Juan da na shiỹaxauapi, iuen da ỹalaxaguet na namaxasoxonaxacpi maye chegoqo'ot so Moisés qataq nam lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Qalaxaye nagui, nache qaỹa'axat da no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, qaq 'enauac na shiỹaxauapi ỹataqta lta'araic da na'añaxataxac da huotaique inoxoneua'a damaye.
Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.
Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.
Qaq huo'o so na'a'q mataxaqui, nache So Jesús nqo'oneua'a da lquia'aqa' so lma' som 'oonolec nam lataxala'pi na fariseopi. Qaq som laỹepi maye ỹalectauo, 'enauac somayepi choche nauaatac So Jesús.