Lucas 17:10 - La'aqtaqa Ñim Lo'onatac 'Enauacna 2013

¹⁰ Qaq nache 'eetec qami' da qaumache 'enauac nam qami' ỹamaxaleguete Ñim Lo'onatac 'Enauacna, nache saishet da qauacheetaique da qami' ỹanema ca na'achec. Nachaqrata da qoñiita': «Qomi' choche qomi' namaxa'she, nachaqrata da so'otaq qataq sepagaqtelec dam qanamaxasaguec.»

Nuevo Testamento Toba Sur

¹⁰ Qaq nachi 'eetec nataq'en qami', qom mashi ivita da qaumachi 'enauac nam qami' ÿamaxalguete ñi Dios, nachi qoñiita': “Qomi' mayi qomi' nlataqa, ÿataqta qaica ca shinaxac, cha'ayi nam so'otaqtac, nachinatac na maichi qad'onatacpi.”

Nuevo Testamento Toba Sombrero Negro

¹⁰ Qama'le nach'e naq'aeta da'me ami, qom joote auomachi da'me oqui'teguelo yema ga'me jo'ne Dios ami yamaĝalo'te, 'noota ta'le aueñiyaac: «Qo'mi onataĝanaĝayaqa jo'ne qolanaqayaqa; qa'a nach'edata da'me je'etaq ga'me jo'ne qo'mi qoyamaĝalo'te.»”

Lucas 17:10 Referans Kwoze

Romanos 11:35

Qataq ¿huo'o peta'a ca ishet da ỹauo'o ca nme Ñim Lo'onatac 'Enauacna, da yaqto' Ñimaye iuen da ỹe'eguelaxateguet camaye da ỹauo'o ca ỹanem?»

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.

Romanos 3:12

'Enauac namayepi qaỹoqta naqa'en Ñimaye; qataq 'enauac ỹe'eguelaxa da qauemaicpi. Qaica, ỹataqta imauec da qaica ca nshetaique da ỹo'ot ca no'on.

Mateo 25:30

Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Filemón 1:11

Ne'ena Onésimo soua lỹa't na'axa'te, namaye choche 'arlatac, qaica ca taiguet, qalaxaye nagui namaye ỹataqta qarpe'et.

Lucas 17:9

Qaq ¿peta'a ishet da 'aỹa'anem da 'ana'achec que'eca 'arlatac qom mashe imat cam 'auamaxalec? 'A'i, saishet.

Lucas 17:11

Qaq co'ollaq mashe jec So Jesús da taigue da Jerusalén, nache taalec yem 'alhua maye huaigui ye Samaria qataq ye 'alhua Galilea.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.