Lucas 16:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye qami' seqatalo da qauo'onataxañiỹa ana alom na shiỹaxauapi maye ỹachegoxotaigui da latenataxanaxac, da yaqto' huo'o ca qanauochaxauai, yaqto' qom ivita da imeuo ana anom, nache Ñim Lo'onatac 'Enauacna qami' ỹaconegueta da piguem.

Nuevo Testamento Toba Sur

⁹ Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.

Nuevo Testamento Toba Sombrero Negro

⁹ “Chane'eja nayi ami ja'aĝatema queda'me 'noota ta'le a'uonataĝañiya ga'me neuoyaĝaco jo'ne ja chimadichiñe jena'me aleua da'me anaviquila'ajalo gaa'me anaigaĝa'udi', qaedi qom loiquiaqa' da'me neuoyaĝaco qama'le ñe'me jo'ne ladipa gaa'me 'nachaqa'te jo'ne ja 'naidena'alo nach'e ena'am ami yaconegueta.

Lucas 16:9 Referans Kwoze

Mateo 19:21

Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Lucas 16:11

Qaq qami' da saishet da qauaỹachiñi da qauloỹeegue cam saq 'amaqtaq qataq qaica ca naigui, 'eeta'am aca anom maye qaỹachegoxotaigui da natenataxanaxac, qaq ¿negue'to' ca ishet da qami' pi'iỹa'alo da qami' ipataxaleguete cam ỹataqta huo'o ca naigui?

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Lucas 14:14

yaqto' ishet da ỹataqta 'auamachiguiñi. Cha'aye namayepi saishet da 'am isheetena'aguet. Qalaxaye 'am qome huo'o ca 'ansheetenaguec qom ivita da qaltaq qanca'alaxatec nam shiỹaxauapi maye ỹo'ottac nam ỹaỹamaxareeta Ñim Lo'onatac 'Enauacna.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

Lucas 16:13

Qaica ca namaxashec da ishet da do'onataxanoto caua dos na'aco'ye, cha'aye ishet da 'oonolec ca ỹauotec saq 'ena'am ca lỹa. Qataq ishet da ỹalaxaguet ca 'oonolec qaq ca lỹa qalaq saishet da ỹalaxaguet. Qaq nache 'eetec nataqa'en, da saishet da qaỹo'onataxanot Ñim Lo'onatac 'Enauacna qataq da nsallaxa.»

Hechos 10:31

Nache somaye aỹem 'enapega, 'eeta': «Cornelio, Ñim Lo'onatac 'Enauacna mashe hua'aqtega da 'anqouagaxaunaxac, qataq imeteetac 'enauac nam 'auo'otpi da 'autauaatac nam huo'o da lhuenaxanaxa.

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Judas 1:21

Qataq ima'ape naua na'axa'te da qanaquichiỹa'a da lauotaxanaqtaic Ñim Lo'onatac 'Enauacna, qataq qauacheeta'a que'eca na'a'q da So Qarataxala' Jesucristo, qomi' ỹanema ca qanachaalataxac chochaq tatec, cha'aye Somaye nataqa'en qomi' lauotaqa'ate.

Hechos 10:4

Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

Eclesiastés 11:1

'Auasaxangui ca ne'etaxat aca 'arauole 'ayiiña, qaq qom mashe qaỹoqteguelo caua na'axa'te nache qaltaq 'aulalec acamaye.

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

Salmos 73:26

Qaq da ỹo'ocỹaxac qataq iquiyaqteỹaxac qaica ca la'añaxac, qalaxaye Ñim Lo'onatac 'Enauacna ỹa'añaqchet añi iquiyaqte. Qaq Ñimaye nache 'eetai' da aỹem hueta'aguet.

Lucas 16:4

Aja', sanata nagui da sheetec, da yaqto' huo'o qome ca aỹem ỹaconeguet da saua'a ca lma', qom ivita da qaica ca ỹo'onatac.›

Proverbios 14:24

Da laỹaanec ca ỹaanaxanaxaic nachera da ỹo'ot da llo'oxoyec, qaq ca qaica ca ỹaỹaanapec qalaq laueguec da no'oopashaxac.