Lucas 16:8 - La'aqtaqa Ñim Lo'onatac 'Enauacna 2013

⁸ Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Nuevo Testamento Toba Sur

⁸ Huaña, nachi so 'aco' sa ishit da ÿoqolguet da se'eso lhuataxanaxanec mayi qauem, somayi ÿataqta sa nqalaat da huo'o ca i'ot. Qaq 'eda da 'eetec nam ÿauotec nam huetalec ana 'alhua, namayipi ÿataqta sa nqalaat da huo'o ca i'otec ca lÿa, qaq saq 'en'am nam huetaigui na yi'oqchiguiñi.

Nuevo Testamento Toba Sombrero Negro

⁸ Qama'le ñe'me nadipa yi'yoĝoden ñe'me lamaĝajec jo'ne ja chimaqachiñe ga'me 'lonatac queda'me ja naqala'te da'me mach'e yauo'oe ga'me 'ye't. Qa'a qom jouaĝat da'me mach'e leuoyaĝac, jogaa'me jo'ne yema'alo gaa'me uetedalegue jena'me aleua nayi yataqachiñe ja naqalataĝayaqa, ja ena'ama gaa'me jo'ne uetedaue da'me yoqochiñe.

Lucas 16:8 Referans Kwoze

1 Ts 5:5

Cha'aye 'enauac da qoñiita huo'o da qarpi'iỹaxaqui So Qarataxala', qaq damaye 'eeta'am da qoviitaigui na le'eraxa ye na'a'q laiñi, qaq saishet da qoviitaigui na napalaxa.

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Lucas 16:10

Cam 'onaxaic da na'aqtaguec, souaxat cam saq 'amaqtaq maye ilotague', qaq nache 'ena'am no'on da na'aqtaguec da ilo'ogue ca qalota; qaq cam qauem da na'aqtaguec da ilotague' cam saq 'amaqtaq, qaq nache 'ena'am qauem da na'aqtaguec da ilo'ogue ca qalota.

Juan 12:36

Qaq nagui da ña qami' hueta'agueta nam chegoqchigui nam yo'oqchiguiñi, nache qaua'amaqchiñi Namaye, yaqto' qami' ishet da qoñiita'am na yo'oqchiguiñi. Qaq co'ollaq ime de'era 'enapec So Jesús, nache jec da nqañoxocheesop somayepi.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Lucas 16:4

Aja', sanata nagui da sheetec, da yaqto' huo'o qome ca aỹem ỹaconeguet da saua'a ca lma', qom ivita da qaica ca ỹo'onatac.›

Éxodo 1:10

Qaq ỹoqo'oye selaqaique qome ca lataxac da yaqto' saishet da nache 'eetai' da nquictauec namayepi, cha'aye saiuena'a da huo'otaq huo'o ca alaataxac, nache namayepi ỹalegoigui ca qampa'aguenaxauapi, nache qomi' deloguito qataq nache ca'ai ne'ena 'alhua.»

Génesis 3:1

Qalaxaye so na'araxanaq ỹataqta sa nqalat, napacalec 'enauac na laỹepi shiguiỹacpi maye lo'onatacpi Ñim Nataxala', qaq somaye inato' aso 'alo, 'eeta': «¿'Eesa peta'a da Ñim Lo'onatac 'Enauacna da saishet da qami' ỹashenema da qolliqui ana ala ana qo'oipaqpi maye huaigui ne'ena nanqa' ana nañiguishe?»

Lucas 20:34

Nache So Jesús 'enapeco': –Ana'ana 'alhua maye hueta'a na shiỹaxauapi ishet da huarona't.

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

2 Samuel 13:3

Qalaxaye so Amnón huo'o co'ollaxa so nauochaxaua, le'enaxat Jonadab som llalec so Simea, maye lqaỹa so David, qaq somaye ỹataqta sanqalaate' da huo'o ca ỹoicnapec.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

1 Corintios 3:18

Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

Lucas 18:6

Nache So Jesús 'enapeco': «Qaq 'era da 'enapec som nmit na nasouaxashet maye qauemaic.

Mateo 17:26

Nache so Pedro 'enapeco': –Qomye nam chegaqauecpi. Nache So Jesús 'enapeco': –¿Qaq nam lalamaxatpi saishet qone' da desheetenaxan?

2 Reyes 10:19

Qaq ñaq qauỹaxañiuga qome 'enauac na la'aqtaxanaxanecpi, lamaxashecpi qataq na ltaxaỹaxanaxanecpi ñi Baal, nache qaica ca saqanac qome, cha'aye huo'o na seqataxaatai' lta'araic ỹachetaqtaxanaxat da yaqto' sanot ñi Baal. Qaq ca saqanac nache ileu qome.» Qaq so Jehú, ỹo'ot co'ollaxa de'era, cha'aye ỹauotaique da nmichiguiñi naqa'en som ỹo'oxoreetacpi so Baal,

Lucas 16:7

Ime, qataq inat so lỹa, 'eeta': ‹Qaq 'am, ¿negue't aca 'aravigaxaiste?› Nache somaye, 'eeta': ‹Qomye cien aso naloqnaxaqui na trigo.› Nache som ilotague' so nma', 'eeta': ‹'Ana ana 'aravigaxaiste lmalate; 'anquigaxaañi, 'iyiñi qome aca ochenta.›

Lucas 20:35

Qalaxaye cam taiguet qominchiye da inoxoneua'a cam lỹa 'alhua, qom mashe qanca'alaxatec nam leuaxaicpi, que'eca 'alhua, huaña, nache aca 'alo qataq ca ỹale saishet da huaron.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.