Lucas 16:6 - La'aqtaqa Ñim Lo'onatac 'Enauacna 2013

⁶ Nache somaye 'enapeco': ‹Qomye cien aso laỹe' na lli'i ana oliiva aso ỹavigaxaiste.› Nache som ilotague' so nma', 'eeta': ‹'Ana ana 'aravigaxaiste lmalate; 'auỹalapegue' qome da 'anso'ooñi, ime qaq 'anquigaxaañi, 'iyiñi aca cincuenta.›

Nuevo Testamento Toba Sur

⁶ Nachi somayi 'enapeco': “Qomyi cien aso laÿi' na aceite aso ÿavigaxaiste.” Nachi som ilotague' so nma' 'eeta': “'Ana ana 'adavigaxaiste lmalate; 'auÿalapigui' qome, 'anso'ooñi, ime, qaq 'anquigaxajñi, 'iyiñi aca cincuenta.”

Nuevo Testamento Toba Sombrero Negro

⁶ Joga'me 'yateguet: «Maliaĝa ñep'ia ga'me cien lete' ga'me li'i jaga'me olivo jala.» Ñe'me yelolegue da'me neuoyaĝac enaac: «Janjo' jana'me anep'iayaĝalate: paja'a oñiyiñe, auedelegue qama'le auachalegue ga'me cincuenta.»

Lucas 16:6 Referans Kwoze

Tito 2:10

Qataq saishet da decache. Nachaqrata da ỹataqta npe'et, yaqto' 'enauac qaila'a da lyac da lapaxaguenataxanaxac Ñim Lo'onatac 'Enauacna maye Qarca'alaxaqui.

Lucas 16:12

Qataq da huo'otaq qauem da qana'aqtaguiqui da qauloitague' cam saishet da qaralamaxache, qaq ¿ca 'eeteco' da Ñim Lo'onatac 'Enauacna da qami' ipataxaleguete da qauloỹeegue cam iqataxaatapigui' Ñimaye da qaralamaxache qome?

Lucas 16:9

Qaq ỹoqo'oye qami' seqatalo da qauo'onataxañiỹa ana alom na shiỹaxauapi maye ỹachegoxotaigui da latenataxanaxac, da yaqto' huo'o ca qanauochaxauai, yaqto' qom ivita da imeuo ana anom, nache Ñim Lo'onatac 'Enauacna qami' ỹaconegueta da piguem.

Mateo 20:8

Qaq co'ollaq mashe pe, nache se'eso 'aco' 'enapega som ilotague' de'era lo'onataxanaxac, 'eeta': «'Auỹaxaneuga ca ỹo'onataxanaxanecpi. Ime, qaq 'ausheeten, 'aua'auaxaachiguiñi qome da 'ausheeten cam pa'atec da do'onataxan, choche ivitta'a 'anqa'en nam hua'auchiguiñi da do'onataxan.»

Lucas 16:5

Nache iỹaxaatauga ñi 'oonolec som neto'ot aso lavigaxaiste som na'aco'. Nache som la'auaxanec inat, 'eeta': ‹¿Negue't aca neto'ot 'aravigaxaiste so ña'aco'?›

Lucas 16:7

Ime, qataq inat so lỹa, 'eeta': ‹Qaq 'am, ¿negue't aca 'aravigaxaiste?› Nache somaye, 'eeta': ‹Qomye cien aso naloqnaxaqui na trigo.› Nache som ilotague' so nma', 'eeta': ‹'Ana ana 'aravigaxaiste lmalate; 'anquigaxaañi, 'iyiñi qome aca ochenta.›

Juan 2:6

Qaq huo'oi soua seis naco'oña coma' maye laỹe' naxa na 'etaxat maye lỹoxonaxat na judiopi da ỹo'ot da maiche lataxac naxa da nỹoxoc. Qaq añi 'oonole se'esoua naco'oña, huo'o ana ivi' ochenta litro na le'ec 'etaxat, qataq huo'o ana ivi' cien.