Lucas 16:31 - La'aqtaqa Ñim Lo'onatac 'Enauacna 2013

³¹ Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Nuevo Testamento Toba Sur

³¹ Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Nuevo Testamento Toba Sombrero Negro

³¹ Qalaĝaja Abraham enaac: «Qom ja jetaque yoqochideta di'me Moisés nataq'aen Dios 'laqataĝanaĝanaqa, qama'le ¿teua'atoqo' 'yamaqaten qom 'uo gamachaqaega yeleu jo'ne 'niyelaĝajeguem?»”

Lucas 16:31 Referans Kwoze

2 Corintios 4:3

Nachaqnata nam saishet da ỹaỹaten de'era no'on na'axaỹaxac maye sa'axataqtac, namayepi saishet da qanca'alaxatec.

2 Corintios 5:11

Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.

Hechos 28:23

Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.

Hechos 26:28

Nache so Agripa 'enapeco': –Mashe hua'c da aỹem 'auañoxot da yaqto' sa'amaqten So Cristo.

Hechos 19:8

Nache so Pablo ỹataqta iviraxattre'c soua tres ca'agoxoiqa da ỹe'eguelaqtaua'a aso napaxaguenaxaqui na judiopi da da'aqtaxaatac, qaica ca ñe'etaique, qataq ỹa'axattapeguem somayepi da mashe nvi' da lo'onataxanaxac Ñim Lo'onatac 'Enauacna da ilo'ogue 'enauacna, nache quetapegueua'a da da'amqaanataxan naqa'en somayepi.

Génesis 9:27

Qataq Ñim Lo'onatac 'Enauacna nquigaxattauec qome ñi Jafet, qataq lmayaxaua naqa'en ñi Sem, qaq ñi Canaán qalaq choche nlatac qome.»

Lucas 16:30

Nache som ỹale sallaxanec ỹasat, 'eeta': «Aja' 'am ito'olec Abraham, ¡Qalaxaye damaye saishet da nachaqrata lataxac! Cha'aye da huo'o ca qaltaq nca'aleeguesop nam leuaxaicpi da nqo'onalo caamaye, nache ỹoqta 'eesa ñaqa'en da caamaye ishe't da ỹe'eguelaqoto Ñim Lo'onatac 'Enauacna.»

Lucas 17:1

Nache So Jesús 'enapegalo soua lapaxaguenataqa, 'eeta': –Qalota na lataxacpi ana 'alhua, da ỹo'oteguet da na shiỹaxauapi sa ỹalaxaguet Ñim Lo'onatac 'Enauacna. Qaq damaye, nache 'eetai' qome. Qalaxaye, ¡ỹataqta qauem da taỹa'ague ca shiỹaxaua maye ỹo'oteguet da huo'o ca lasouaxashet ca lỹa!

Juan 5:47

Qalaxaye da qami' saishet da qaua'amaqchiñi dam ỹiyiñi co'ollaxa somaye, qaq ¿ca 'eeteco' da ishet da qaua'amaqchiñi cam shenapec?