Lucas 16:29 - La'aqtaqa Ñim Lo'onatac 'Enauacna 2013

²⁹ Qalaxaye so Abraham ỹasateguet somaye, 'eeta': «Caua 'arqaỹa't mashe hueto'oto ana nere maye huetalec na la'aqtacpi Ñim Lo'onatac 'Enauacna. Qalaq ¿ta'ainco' da saishet da itaxaỹaxa'n? Qataq ¿ta'ainco' da saishet da ỹalaxagueta?»

Nuevo Testamento Toba Sur

²⁹ Qalaxayi so Abraham 'enapega somayi, 'eeta': ‘Caamayi sogote da hueto'oto nam lliyigui'shi so Moisés qataq som l'aqtaxanaxanecpi ñi Dios; ¡nachinaua qome no'on da ÿalaxalguete!’ ”

Nuevo Testamento Toba Sombrero Negro

²⁹ Qalaĝaja Abraham 'yateguet: «Jogaa'me joote uetauelo gaa'me ledii's di'me Moisés nataq'aen dia'me Dios 'laqataĝanaĝanaqa: ¡'noota qom yoqocha'alo!»

Lucas 16:29 Referans Kwoze

Hechos 15:21

Cha'aye dam chegoqta'ague soua hua'au' vi'iye, huo'o co'ollaxa na shiỹaxauapi maye ỹa'axatta'ape naua namaxasoxonaxaco maye chegoqo'oto so Moisés qataq itaxaỹaxaata'ape ye na'a'q mataxaqui da huaigui ana napaxaguenaxaqui na judiopi.

Lucas 24:27

Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.

Lucas 16:16

Choche ivitta'a co'ollaq nvi' so Juan da na shiỹaxauapi, iuen da ỹalaxaguet na namaxasoxonaxacpi maye chegoqo'ot so Moisés qataq nam lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Qalaxaye nagui, nache qaỹa'axat da no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, qaq 'enauac na shiỹaxauapi ỹataqta lta'araic da na'añaxataxac da huotaique inoxoneua'a damaye.

Isaías 34:16

Ñaq qannachi' qataq qautaxaỹaxañi ana lere Ñim Nataxala': Qaica da huo'otaq 'oonolec qome ca deqaptauec ne'ena shiguiỹacpi, qataq qaica da huo'otaq 'oonolec qome ca qaca aca lhua, cha'aye Ñim Nataxala' maiche lataxac naqa'en damaye, qataq irolec na maiche la'at qom laỹona't namayepi.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Lucas 4:17

nache qoỹami' asom lereguishe so la'aqtaxanaxanec Ñim Lo'onatac 'Enauacna le'enaxat Isaías. Nache So Jesús ỹauachigui, ime, nache itaxaỹaxan som huetaña so nerec maye, 'eeta':

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Gálatas 4:21

Qami' maye qauauoitaique da qaualaqailec na namaxasoxonaxacpi, ñaq aỹem qaua'aqtaxañim: ¿Saishet peta'a da qautaxaỹaxañiita'ape naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna da nataqa'en ỹa'axattac so Abraham?