Lucas 16:28 - La'aqtaqa Ñim Lo'onatac 'Enauacna 2013

²⁸ da yaqto' da'aqtaxanema caua cinco ỹaqaỹa't, da caamaye da saishet da ỹaxaare'c da ỹo'ottrac da qauem, nache ishet nataqa'en da nvilda'a ne'ena que'eenaqa'.»

Nuevo Testamento Toba Sur

²⁸ yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Nuevo Testamento Toba Sombrero Negro

²⁸ jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»

Lucas 16:28 Referans Kwoze

Hechos 20:23

Nachaqrata da saỹaten da huo'otaq huo'o ye sevita nam nỹecpi, nache So Saqcha'a Na'añaxac Qui'itta aỹem da'aqtaxaatapeguem da huo'o qome ca ñecoñetaguec, qataq ỹataqta qalota da ñeque'eenaxac qom huaña ye Jerusalén.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Lucas 16:27

Nache som sallaxanec 'enapeco': «Abraham, 'am ñachoxonnot nagui da 'auamaq ñi Lázaro da nqo'ona ye qarma',

Hechos 8:25

Qaq co'ollaxa saxanaxa da quera'ai ye Samaria, so Pedro qataq so Juan, nache da'aqtaxaatrapeguem so shiỹaxauapi 'enauac nam ivireguetpi co'ollaq ña nnaictrague' So Jesús qataq ỹa'axattrac Somaye. Qaq co'ollaq ime, nache ỹe'eguelaxaregue da Jerusalén, qalaxaye co'ollaq quete', nache da'aqtaxaatrapeguem na Samaria le'ecpi de'era no'on na'axaỹaxac maye lo'onataxanaxac Ñim Lo'onatac 'Enauacna.

Hechos 10:42

Nache Somaye qomi' ỹamaxaleguete da sa'aqtaxanaxam 'enauac na shiỹaxauapi, da sa'axataq da Ñim Lo'onatac 'Enauacna ỹanagui Somaye da nacheso so nmit qome na lasouaxashetpi nam ñaq nca'altauecpi qataq nam mashe ileu.

Hechos 18:5

Qaq co'ollaq nvilye' so Silas qataq so Timoteo, chegoqra'a ye 'alhua Macedonia, nache so Pablo ỹataqta nalemaqteguet da ỹa'axattac da la'aqtac Ñim Lo'onatac 'Enauacna, da ỹataqta da'aqtaxaatem na judiopi da So Jesús, Somaye nacheso So Lca'aguishec Ñim Lo'onatac 'Enauacna maye qaiuattaique.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Hechos 23:11

Qaq se'eso pe, nache So Qarataxala' nachaxana so Pablo, nache 'eetega, 'eeta': –Pablo, 'ana'añaxat qome, cha'aye de'era qonetec da Aỹem 'aua'axattac da huaña, na Jerusalén, qaq nataqa'en nachera qome da qonetec da Aỹem 'aua'axat, qom huaña ye Roma.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Hechos 28:23

Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.

Gálatas 5:3

Qaq ỹoqo'oye qaltaq she'eguelaxalec da itelaqtaxanaxac da camachaqca shiỹaxaua da ỹauo'o ca la'anaxat na lo'oc, nache camaye iuen da ỹalaxaguet na namaxasoxonaxacpi.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

1 Ts 2:11

Nataqa'en qauaỹaañite' qomi' co'ollaq qami' souaqta'agueta, qalaq se'enaxataqteguem ca yo'oqchigui nta'a da huo'o ca ỹo'otec ca llalec. Qami' sa'añaqchetaqta'ape, qataq qami' sanaxama da qaramaicỹaxaqui.