Lucas 16:26 - La'aqtaqa Ñim Lo'onatac 'Enauacna 2013

²⁶ Qaq saishet da nachaqrata de'era, cha'aye huo'o nam ỹataqta sa qaỹoqchiguiñi tocot lta'araic maye npaxatta'agueta qami' nataqa'en qomi'. Qaq ỹoqo'oye saishet da huo'o ca chegoqchegueena'a da tañecna, qataq saishet da huo'o ca chegaqañecna da nasheguema ne'ena souaqta'a.»

Nuevo Testamento Toba Sur

²⁶ Qaq saqdata 'enauac de'eda, cha'ayi huo'o nam ÿataqta saqaÿoqchiguiñi tocot lta'adaic mayi npaxatta'agueta qami' nataq'en qomi'. Qaq ÿoqo'oyi sa ishit da huo'o ca chigoqchiine'ena da tañicna, qataq sa ishit da huo'o ca chigaqañicna da nashiguema ne'ena souaqta'a.”

Nuevo Testamento Toba Sombrero Negro

²⁶ Choqoda'me uoja'eda, 'uo di'me uañe laeñi da'me qo'mi nataq'aen jo'ne yataqata qaya'ñgui; qama'le qo'mi da'me jouaqa'ta jenjo' qaya'te yaqanatet ta'le dajoyi na'me naja', nataq'aen ami da'me ovi'ta na'me naja' qaya'te yaqanatet ta'le najoequena.»

Lucas 16:26 Referans Kwoze

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Salmos 49:14

'Eeta'am ana qagueta namayepi da qaỹauecta'a añi huachiqui, qaq de'era nleuaxa nache ỹauecta'a añimaye, huaña nache nlaguiñi da lo'ocỹaxac da huetangui añimaye, nache qaỹoqtalo naua 'onaxaiqa lma'ate lta'al, qaq na no'on da lataxac nache ilo'ogue namayepi da ñaq nte'eta.

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Lucas 12:59

Qaq Aỹem shenapec da 'am saishet da qoca'ai aca ncoñetaxanaxaqui, qom huo'otaq saxanaxa da 'ausheeten aca pa'atec maye qaiỹaxaneua'a da 'ausheeten añi 'aravigaxaiste.»

Ezequiel 28:24

Na Israel le'ecpi, saishet qome da ỹe'eguelaxa da nque'etaxangui da lqui'ic aca ỹaxat le maye shetteguet qataq quia'aq maye nachera dam le'enaxanaxac na lauoreuapi. Qaq huaña qome nache qaỹaỹaten da Aỹem nachaỹem Nataxala'.

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Lucas 16:27

Nache som sallaxanec 'enapeco': «Abraham, 'am ñachoxonnot nagui da 'auamaq ñi Lázaro da nqo'ona ye qarma',