Lucas 16:21 - La'aqtaqa Ñim Lo'onatac 'Enauacna 2013

²¹ qaq anac naxa na pioxoppi, da napitac na lli'i na lo'oc somaye. Qaq se'eso choxoraq, ỹataqta ỹaguec na lqouaxa, ỹoqo'oye nshetaique da chec na lsoche na nallec maye naañi se'eso lquia'axala' som sallaxanec.

Nuevo Testamento Toba Sur

²¹ Se'eso choxodaq, somayi nshitaique da icomatec na lsochi na nallic mayi najñi se'eso lqui'axala' som sallaxanec. Qaq ivida'a da anac na pioxotpi, napitac na lli'i na l'oc somayi.

Nuevo Testamento Toba Sombrero Negro

²¹ Ñejo' jiyaĝaua jetaque yanotec nale ga'me 'liyoĝot jo'ne yeguem ñe'me neuoyaq. Qalaĝaja chayovida'alo gaa'me pi'o yec'adeta da'me 'yole'j ga'me 'laltaqatel jena'me lo'oc.

Lucas 16:21 Referans Kwoze

Mateo 15:27

Qalaxaye asomaye 'enapeco': –¡Aja', 'eesa, 'am Ỹataxala'! Qalaxaye ivira'a nataqa'en na pioxoppi ishet da chectac nam aloq lsoche maye naañi cam lquia'axala' ca na'aco'pi.

2 Corintios 11:27

Qataq ñeque'etaxangui da ỹo'onataxanaxac qataq da ñaqalaatapigui'. Qataq huo'oi naua pe' da saishet da so'oche. Qataq ñeque'etaxangui na iqouaxa qataq na ỹaquip, qataq souaxat da qaica ca ỹogoxot, nache ñeque'etaxangui na latomaxa.

1 Corintios 4:11

Nagui ñaq 'eetalec da huo'o da qanque'etaxanaxac na qarqouaxa, qataq na qaraquip, qataq qaica ca ñapoxoña. Na shiỹaxauapi saishet da qomi' iyacna'ape, qataq qaica ca ỹoqta qarma'.

Juan 6:12

Qaq co'ollaq mashe comaraxaicpi somayepi, nache So Jesús 'enapegalo soua lapaxaguenataqa, 'eeta': –Qalapoñiỹa't 'enauac na ñi'iỹoxotpi, yaqto' saishet da huo'o ca ne'en.

Marcos 7:28

Nache asomaye 'enapeco': –'Eesa da qonapec, 'am Ỹataxala', qalaxaye ivira'a nam pioxoppi maye hueto'ot na pa'aguiñi ca lquia'axala' ca ñalaqpi, checta'aguet na naañi aloq lsoche camayepi.

Lucas 16:20

Qalaxaye so nasom somaye, hueta'a so ỹale maye choxoraq le'enaxat da Lázaro. Somaye ỹataqta imoota na lo'oc na lli'i na lquesaxa, qaq huo'o som ndoua'acnaxa da hueta'a yemaye,

Lucas 16:22

Qaq huo'o so na'a'q, nache se'eso ỹale maye choxoraq ileu. Nache anac na lamaxashecpi Ñim Lo'onatac 'Enauacna da ỹauega ca ndaqa' maye ỹataqta ỹo'oxoraq, cam hueta'a nataqa'en so Abraham maye chegoxoguet somaye. Qaq co'ollaq qaỹata'ague, nache nataqa'en ileu so ỹale maye sallaxanec. Nache co'ollaq qailareñi,