Lucas 16:17 - La'aqtaqa Ñim Lo'onatac 'Enauacna 2013

¹⁷ Qalaxaye ỹactec da saqalaq da ishet da nlaguiñi na piguem, qataq ana 'alhua, qaq saq 'ena'am na namaxasoxonaxacpi, cha'aye qaica ca saq ipacchigui cam ỹa'axat ñim 'oonolec namayepi.

Nuevo Testamento Toba Sur

¹⁷ Qaq nai'ctaxa qome da imeuo na piguem qataq ana 'alhua, qalaxayi sa ishit da sa ipacchigui cam i'axat ñim 'oonolec saq 'amaqtaq nam ledaxatpiolec nam nqataxacpi.

Nuevo Testamento Toba Sombrero Negro

¹⁷ Qalaĝaja da'me jo'ne ja qalaq yem qomle di'me piyem nataq'aen jena'me aleua; dojo' yataqachiñe qalaq, ta'le ja yepaquetelegue ga'me onolec nediijec jodaa'me Dios lamaĝajoĝonaĝaco.

Lucas 16:17 Referans Kwoze

Mateo 5:18

Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.

Lucas 21:33

Qaq na piguem qataq ana 'alhua imeuo qome, qalaxaye da ỹa'aqtac saishet da imeuo.

1 Pedro 1:25

qalaxaye da la'aqtac Ñim Nataxala', saishet da huo'o ca loga't.» Qaq de'era na'aqtac nachera da no'on na'axaỹaxac maye qami' ỹapaxagueneque So Qarataxala' Jesucristo.

Isaías 40:8

Ana huoue deqaqa qaq ana lauoxo qalaq deqat da lyac, qalaxaye naua la'aqtaqa Ñim Qanatamnaxala' nache 'eetai'salo, chochaq tatrec.»

Romanos 3:31

Qalaxaye da huo'o da qarpi'iỹaxac So Jesús, nache damaye saishet da ỹa'axat da na namaxasoxonaxacpi maye chegoqo'ot so Moisés da qaica ca naigui. Nachaqrata da huo'o da qarpi'iỹaxac Somaye, nache ichoxot da huo'o naq 'enec ñaqa'enaq nam nqataxacpi.

Isaías 51:6

Ña qauamachiỹo'ot na piguem, qataq qauamachiỹalec ana 'alhua: na piguem qalaq nlagaxatapec qome 'eeta'am na lmala'q, qaq ana 'alhua qalaq lto qome 'eeta'am aca npoto, qataq na netalecpi anamaye ileu qome 'eeta'am aca 'aỹat. Qalaxaye da ica'alaqtaxanaxac chochaq tatec qome, qataq da ỹauegaxanaxac saishet da huo'o ca loga't.

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.