Lucas 16:16 - La'aqtaqa Ñim Lo'onatac 'Enauacna 2013

¹⁶ Choche ivitta'a co'ollaq nvi' so Juan da na shiỹaxauapi, iuen da ỹalaxaguet na namaxasoxonaxacpi maye chegoqo'ot so Moisés qataq nam lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Qalaxaye nagui, nache qaỹa'axat da no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, qaq 'enauac na shiỹaxauapi ỹataqta lta'araic da na'añaxataxac da huotaique inoxoneua'a damaye.

Nuevo Testamento Toba Sur

¹⁶ Na nqataxacpi mayi chigoqo'ot so Moisés qataq nam lapaxaguenataxanaxacpi som l'aqtaxanaxanecpi ñi Dios, namayi ñaq huo'o, chochi ivitta'a co'ollaq nvi' so Juan. Huaña, nachi qai'axat da l'onataxanaxac ñi Dios da ilo'ogue 'enauacna, nachi 'enauac na shiÿaxauapi ÿataqta n'añaxat da inoxoneu'a damayi.

Nuevo Testamento Toba Sombrero Negro

¹⁶ “Daa'me nedii's jo'ne lamaĝajoĝonaĝaco ñe'me Dios nataq'aen 'laqataĝanaĝa'j dia'me 'laqataĝanaĝanaqa qo'yaĝatetac chayovida'a ca'li novi' di'me Juan. Qalaĝaja nayi chiyoqotelegue di'me Juan da'me qo'yaĝatetac da'me 'naqataĝanaĝac jo'ne onaĝaic 'me 'yaĝatetac da'me lejaliaĝa ñe'me Dios, qama'le ena'uaque 'nañaĝate'tape qaedi tadoue joda'me.

Lucas 16:16 Referans Kwoze

Mateo 21:32

Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Hechos 3:18

Qalaxaye Ñim Lo'onatac 'Enauacna mashe ỹa'axat co'ollaxa de'era, chegoqchigui naqa'en so la'aqtaxanaxanecpi da que'eca Lca'aguishec, camaye ỹataqta huo'o qome da nque'eenaxac.

Lucas 16:29

Qalaxaye so Abraham ỹasateguet somaye, 'eeta': «Caua 'arqaỹa't mashe hueto'oto ana nere maye huetalec na la'aqtacpi Ñim Lo'onatac 'Enauacna. Qalaq ¿ta'ainco' da saishet da itaxaỹaxa'n? Qataq ¿ta'ainco' da saishet da ỹalaxagueta?»

Lucas 10:11

«Qomi' saishet da qami' saqtegueua'alo. Ỹoqo'oye ivira'a na namoxoỹaxa nam qarmaye maye taleguete naua qarapia'ate, namaye sechegoxosoxouec. Qalaxaye qami' iuen da qauaỹaañi de'era, 'eeta': Mashe nayeetai' da lo'onataxanaxac Ñim Lo'onatac 'Enauacna.»

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Mateo 4:17

Huaña, nache So Jesús cot da da'aqtaxanem 'enauac so shiỹaxauapi, 'eeta': «Qavi'eguelaqaỹot qome Ñim Lo'onatac 'Enauacna, cha'aye da lo'onataxanaxac Ñimaye maye hueta'a ne'ena.»

Lucas 9:2

Ime, nache ỹama'q soomaye da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna, qataq natare'n na sa no'onpi.

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Mateo 10:7

Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Juan 12:19

Qalaxaye nam fariseopi maiche detaqtega't, 'eeta': –Ña qauloỹa Namaye, 'enauac na shiỹaxauapi ca'attague'. Qaq qomi' nagui sa sañoxotaq da huo'o ca so'otaq.

Juan 11:48

Cha'aye qomi' da sa'axasoqta'a Somaye, nache 'enauac na shiỹaxauapi ỹa'amaqten da nacheso So Lca'aguishec Ñim Lo'onatac 'Enauacna. Nache anac na romanopi, nache ilaxachigui añi qaro'onaxanaxaqui late'erai qataq nam qarhuo' le'ecpi.

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Juan 5:4

cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]