Lucas 16:15 - La'aqtaqa Ñim Lo'onatac 'Enauacna 2013

¹⁵ Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Nuevo Testamento Toba Sur

¹⁵ Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

Nuevo Testamento Toba Sombrero Negro

¹⁵ Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

Lucas 16:15 Referans Kwoze

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Proverbios 21:2

Ca shiỹaxaua 'eeta'am da ỹaỹamaqchiguiñi naqa'en 'enauac nam ỹo'otpi, qalaxaye Ñim Nataxala', nacheñi ñi nmit na 'eetapeguecpi camaye.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Hechos 15:8

Qaq Ñim Lo'onatac 'Enauacna maye maiche ỹauatton da qarhuennataxac ỹachaxanalo qomi' da nataqa'en na saishet da judiopi da ỹauotec, nache nataqa'en ỹanem So Saqcha'a Na'añaxac Qui'itta, 'eeta'ama qomi'.

Lucas 11:39

Qalaxaye So Jesús 'enapeco': –Qami' fariseopi qauỹoitac na pa'auec, qalaxaye na pa'auo da qoñiita ỹataqta qauem, qaica ca qautauañi, nachaqrata da qaucacheetacot na shiỹaxauapi.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

Lucas 10:29

Qalaxaye som dapaxaguenataxaatapeguec na namaxasoxonaxacpi saishet da maguiñi souaxat de'era lasataxac So Jesús, nache qaltaq ỹe'eguelaxalec da inat Somaye, 'eeta': –¿Negue't cam ỹalamaxat iqaỹa?

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Romanos 3:20

Da sepagaqtelec na namaxasoxonaxacpi, nache saishet da ỹa'axat da qaica ca qarasouaxashet da hueto'ot Ñim Lo'onatac 'Enauacna; cha'aye na namaxasoxonaxacpi ỹo'ot da qomi' saỹatenaqta da qomi' 'etaxaloxoiqa.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Lucas 18:21

Nache somaye 'enapeco': –Aja', 'enauac namayepi ỹataqta salaxaguet, chegoqchiguiña co'ollaq ñaq aỹem nogotolec.

Proverbios 20:6

Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.

Lucas 18:11

Nache se'eso fariseo nachattañi co'ollaq nqouagaxaueetac, 'eeta': ‹'Am maye 'Aro'onatac 'Enauacna, 'am sanot da ña'achec, cha'aye aỹem saishet da shena'am ca camachaqca shiỹaxaua, maye cachaxaic, qauemaic, qataq lauatapiguiñi' aca sa lhua. Qataq saishet da sheeta'am de'era ỹacootapeeguet ana nsheetenaqte ca nta'a.

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.

2 Crónicas 6:30

qaq ña 'aua'axaỹa qome da qoueta'a na piguem maye 'arma', qataq 'auchoxoren qome, nache ipacchigui 'anqa'en da talec ñi 'oonolec ca maiche llecỹaxac maye 'auaỹaten, cha'aye nache 'amta da 'auauattoota da lquiyaqteỹaxac na shiỹaxauapi.

Hechos 1:18

Qalaxaye somaye co'ollaxa jec, nache desheenaxana so 'alhua, desheetenaxana asom lasheue co'ollaxa da lle'etaxaloxo. Qaq co'ollaq ime, nache naañi, ỹa'atchiguiñi na lqaic, nache dachipiỹa'ague, nache nmauec na lailshecpi.

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Malaquías 3:15

Qomi' sauanaqchigui, da nam ño'oxonnaxaicpi ỹataqta matapiguiñi, qataq na 'etaxaloxoicpi ỹataqta nquictauec nam hueto'otpi, qataq ỹe'eguen naxa Ñim Lo'onatac 'Enauacna, qalaq saishet da talec ca nhuaxanaguec.

Salmos 49:18

Na'aictoxo' da ỹataqta machiguiñi da ñaq nca'altauec, qataq da ỹo'oxoreetac camaye na shiỹaxauapi souaxat da sallaxanec,

Salmos 49:13

Qaq 'era da 'eetec da loga't na maiche mpe'etapeguela't, qataq 'enauac na maiche ño'oxoreetapeguela't.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Salmos 10:3

Na qauemaic qalaq ño'oxoreetapigui na maiche 'eetapeguecpi, qaq na qopitaxanaqtaqaic qalaq ilattapiguiñi qataq ỹo'otan Ñim Nataxala'.

Lucas 18:9

Qaq souaxat nam ipi'itaxaatega da no'on shiỹaxauapi qataq ỹo'otan ca lỹa, nache So Jesús qaltaq ỹauo'o da daloqnaxana, 'eeta':

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Hechos 1:24

Nache qanqouagaxaueeleguete soomaye, qoỹeeta': «'Am Qarataxala', 'am maye 'auauatton 'enauac da lquiyaqteỹaxac 'enauac na shiỹaxauapi, ña 'auachaxan ca 'oonolec ne'enaua dos cam 'arca'aguishec,

Romanos 8:27

Qaq Ñim Lo'onatac 'Enauacna maye ỹaỹaten 'enauac nam qarhuennataxacpi, Ñimaye ỹaỹaten cam 'eetapeguec So Saqcha'a Na'añaxac Qui'itta. Cha'aye Somaye nachoxonnot Ñim Lo'onatac 'Enauacna da nachoxoreelec nam ỹataqta lalamaxatpi Ñimaye, qaq naua nachoxonnaxaco ỹataqta ỹaỹamaxareete' Ñim Lo'onatac 'Enauacna.