Lucas 15:6 - La'aqtaqa Ñim Lo'onatac 'Enauacna 2013

⁶ Qaq da ivireua'a ca lma', nache lapona't ca nauochaxauapi qataq ca lauoreuapi. Nache 'enapega, 'eeta': «Ỹataqta qantoñiitapigui' qome qoñiita'am aỹem, cha'aye mashe sanata añi ilo qagueta maye isomapec.»

Nuevo Testamento Toba Sur

⁶ Qaq da ivideu'a ca lma', nachi lapona't ca nauochaxauapi qataq ca lauodeuapi. Nachi 'enapega, 'eeta': “Ÿataqta qantoñiitapigui' qome qoñiita'am aÿim, cha'ayi mashi sanata añi ilo qagueta mayi isomapec.”

Nuevo Testamento Toba Sombrero Negro

⁶ Chane'eja qom yovita ga'me 'lachaqa' qama'le yemata'a't gaa'me naigaĝa'u nataq'aen leje'gue, enaac: «Ami made'tape, auotauañi da'me yamaic, qa'a jauana jana'me 'naĝanaĝate jo'ne te'me yejomac.»

Lucas 15:6 Referans Kwoze

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Lucas 15:24

Cha'aye de'era ỹalcolec, damaye mashe saqca, qalaxaye qaltaq nca'alec. Damaye deqat, qalaxaye mashe sanataxa.› Nache qaỹo'ot se'eso tonaxac.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Filipenses 2:17

Qami' ỹataqta qaua'amaqchiñi Ñim Lo'onatac 'Enauacna qataq qauo'onataxañiitacot, qaq damaye 'eeta'am aca qarachetaqtaxanaqche. Qaq saiuena'a da aỹem qaỹalauat, nache que'eca ileuaxa ỹalectaigui aca qarachetaqtaxanaqche maye qaỹa'añiỹot Ñim Lo'onatac 'Enauacna. Qaq da sevira'aguet de'era, nache ỹataqta samachiguiñi qataq sauotaique da qami' ñetonaxau'.

Hechos 15:3

Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Lucas 15:7

Qaq Aỹem shenapec da ỹactec da ntonaxac nataqa'en na neta'ague da piguem, qom huo'otaq huo'o ca 'oonolec ne'ena shiỹaxauapi da ỹe'egueloqot Ñim Lo'onatac 'Enauacna, qaq saq 'ena'am cam noventa y nueve nam ỹaỹamaxareeta Ñim Lo'onatac 'Enauacna maye sa iuen da ỹe'eguelaxaguet Ñimaye.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

1 Ts 2:19

Huo'o da qaryaxa da qami' ñauanaxato, cha'aye So Qarataxala' qom ñe'eguelaq, nache qomi' iỹaxanoto qome da sanaxaua'a da qaro'onataxanaxac, nache qomi' qome huo'o da qana'amqaanaxac, qataq da qantonaxac souaxat da qaro'onataxanaxac da qoñiita.

Filipenses 4:1

Qaq ỹoqo'oye qami' ñauochaxau' ỹaqaỹa't, aỹem ỹataqta huo'o da iyaxa da qami' ñauaneto, cha'aye qami' maye nacheqami' qauo'oche da ñetonaxac, qataq qami' ỹo'oxore'te. Qaq qami' ñauochaxau' nache 'eetai' qome da qoquiitague' So Qarataxala'.

Filipenses 1:4

Qaq da ñeqouagaxaueetac, qalaq ỹataqta huo'o da ñetonaxac, souaxat 'enauac da qoñiita.

Lucas 1:58

nache 'enauac na lauoreuapi qataq nam lauo' le'ecpi ỹataqta lta'araic da ntonaxac, cha'aye qaila'a Ñim Lo'onatac 'Enauacna da ỹataqta lta'araic da lauotaxanaqtaic.

Lucas 15:5

Qaq da huo'otaq mashe ỹanata, nache ỹachalec na lallac, nache ỹe'eguelaxauo ỹataqta machiguiñi.