Lucas 15:5 - La'aqtaqa Ñim Lo'onatac 'Enauacna 2013

⁵ Qaq da huo'otaq mashe ỹanata, nache ỹachalec na lallac, nache ỹe'eguelaxauo ỹataqta machiguiñi.

Nuevo Testamento Toba Sur

⁵ Qaq da huo'otaq mashi ÿanata, nachi ÿachilec na lallac, nachi ÿataqta machiguiñi.

Nuevo Testamento Toba Sombrero Negro

⁵ Nataq'aen qom yauana, qama'le yachalo'te naa'me lauaguel, qa'a yataqachiñe 'uo da'me lamaic.

Lucas 15:5 Referans Kwoze

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Lucas 19:9

Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Lucas 23:43

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Ezequiel 18:23

Aỹem saishet da saỹamaxaren da ileu ca qauemaic, maye nacherata da camaye naralaxat da lataxac, nache nca'alec. Qaq 'era da ỹa'aqtac Aỹem Nataxala'.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

2 Timoteo 2:26

yaqto' ntouen, qataq ila'a da lqoinaxanaxac so pa'aguenataxanaxaic, nache ishet da dataueeguesop. Cha'aye nagui so pa'aguenataxanaxaic lcoñeteguishec namayepi qaltaq maiche ỹoiqueetac namayepi.

1 Ts 1:5

Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Juan 15:11

Qami' sa'aqtaxanema de'era, yaqto' qami' ỹataqta qauamaichiguiñi, qoñiita'am Aỹem.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Miqueas 5:4

Qaq camaye nachaañi qome da ilo'ogue nam lalamaxat lauo' le'ecpi, ỹauota'a da la'añaxac qataq da la'amaqchec Ñim Nataxala' maye Natamnaxala'. Qaq huaña, nache ỹataqta qaica ca machaqca namayepi, cha'aye da la'amaqchec Ñimaye ivira'a qome ca ỹataqta pa'atec ana 'alhua.

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Isaías 62:12

Qaq na Israel le'ecpi qaỹamata'ac qome da: «Nhuo' le'ecpi Qui'itta» «Nam isouecpi, co'ollaxa Ñim Nataxala'», qaq na Jerusalén qalaq qaỹamata'ac da «Huaqta'a't nỹecpi maye nqopitaxat» «Huaqta'a't nỹecpi maye saishet da qaỹalat.»

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Lucas 15:4

–Da huo'o ca 'oonolec da qoñiita da huo'o aca cien lalopi qagueta, qaq da isomapec aca 'oonole acamayepi, qaq ¿peta'a saisheto' da no'onaxatchigui aca noventa y nueve da no'onaxatalec ca no'onaxa, ime, qaq nmitaique aca isomapec, choche ivitta'a da ỹanata?

Lucas 15:6

Qaq da ivireua'a ca lma', nache lapona't ca nauochaxauapi qataq ca lauoreuapi. Nache 'enapega, 'eeta': «Ỹataqta qantoñiitapigui' qome qoñiita'am aỹem, cha'aye mashe sanata añi ilo qagueta maye isomapec.»