Lucas 15:24 - La'aqtaqa Ñim Lo'onatac 'Enauacna 2013

²⁴ Cha'aye de'era ỹalcolec, damaye mashe saqca, qalaxaye qaltaq nca'alec. Damaye deqat, qalaxaye mashe sanataxa.› Nache qaỹo'ot se'eso tonaxac.

Nuevo Testamento Toba Sur

²⁴ Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

Nuevo Testamento Toba Sombrero Negro

²⁴ Qa'a jenjo' yalec ena'am ta'le yeleu mañaĝa qama'te 'niyelaĝa da'me lec'alaĝa; te'me yejomac mañaĝa, qalaĝaja yitaĝa jauanaĝa.» Qama'le jogaa'me yauote ga'me neualaĝayaĝac.

Lucas 15:24 Referans Kwoze

Efesios 2:5

Qaq ỹoqo'oye na'aictaxa da souaqtaigui co'ollaxa da 'eeta'am da qomi' leuaxaiqa souaxat na qarasouaxashetpi, qalaxaye Ñimaye qomi' ỹanema da qarca'alaxa co'ollaq nca'alaxatec So Cristo. Qomi' ñeca'alaxauec, chegoqchigui da lsoxoyec Ñim Lo'onatac 'Enauacna, na'aictaxa da saishet da saxaguet damaye.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Colosenses 2:13

Cha'aye qami' co'ollaxa soua ỹoxoguelo vi'iye, qalaq 'eeta'am da qami' leuaxaiqa, souaxat na qarasouaxashechi, nache saishet da qaualliquiitaigui na lalamaxatpi Ñim Lo'onatac 'Enauacna. Qalaxaye nagui Ñimaye qarca'alaxauai naqa'en So Cristo, qataq ỹapalaxat 'enauac na qarasouaxashechi.

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Efesios 2:1

Qaq qami' qoviitaigui co'ollaxa da 'eeta'am da qami' leuaxaiqa, souaxat da sa qaualaiguet Ñim Lo'onatac 'Enauacna qataq qoviitaigui da qaye'etaxalqoi.

Lucas 15:4

–Da huo'o ca 'oonolec da qoñiita da huo'o aca cien lalopi qagueta, qaq da isomapec aca 'oonole acamayepi, qaq ¿peta'a saisheto' da no'onaxatchigui aca noventa y nueve da no'onaxatalec ca no'onaxa, ime, qaq nmitaique aca isomapec, choche ivitta'a da ỹanata?

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Romanos 6:11

Qaq ỹoqo'oye nataqa'en de'era ñe'etaxaloxo mashe imeuo da la'añaxac da qami' ỹama'q, cha'aye So Cristo qami' ỹanema da qarca'alaqai. Qaq nagui da qarca'alliiuec, nache da qanachaalataxaqui, iuen da qauo'oche cam ỹo'ot da ntonaxac Ñim Lo'onatac 'Enauacna.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Romanos 12:15

Da huo'o ca matapiguiñi, nache camaye qantonaxauai qome; qaq da huo'o ca daquicotac, nache nataqa'en qami' qaraquicoxouai camaye.

Isaías 35:10

Qaq nam nca'alaxatecpi Ñim Nataxala', do'onaxaatagui qome souaxat da ntonaxac qom inoxoneua'a ye Sión, qataq nache 'eetai' qome da machiguiñi. Qaq huaña nache ỹanata da ntonaxac qataq da lamaicỹaxac. Nache da naquicoxo qataq da qui'ic imeuo qome.

Juan 11:25

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

1 Corintios 12:26

Qaq ỹoqo'oye da huo'o ca 'oonolec ca pa'aigue ne'ena nogoxoshetpi da daỹalli, nache 'enauac na laỹepi nataqa'en daỹalli. Qataq da huo'o ca 'oonolec ca pa'aigue da qaỹo'oxoren, qaq nataqa'en na laỹepi ivirauga da ntootapigui'.

1 Timoteo 5:6

Qalaxaye aca pa'ai da nañaneguet da sa ntel-la't, nache quegue da lqopitaxanaqtaic, nache acamaye 'eeso'oye da ña nca'altauec, qalaxaye mashe 'eco' da ileu.

Romanos 11:15

Cha'aye Ñimaye da huo'otaq imaqa'aguet nam judiopi, nache ỹaconeguet nam laỹepi shiỹaxauapi maye huetalec ana 'alhua, nache ¡chaq 'eetec qome que'eca na'a'q na judiopi qom ỹoltaq ỹaconeguet! ¡Damaye qome ỹataqta 'eeta'am ca leuaxaicpi da ỹaconeguet ca nca'alaxa maye chochaq tatec!

Romanos 6:13

Qami' mashe qarellivi co'ollaxa qarỹaichiguiñi' da ñe'etaxaloxo, qalaxaye nagui qaltaq qarca'alliiuec. Qaq ỹoqo'oye saishet da qanashiñiiguet da ñe'etaxaloxo da qami' ỹo'onataxanaxaneque na qauem. Nachaqrata da qanañañiỹot Ñim Lo'onatac 'Enauacna qataq qauo'oche cam ỹo'ot da ntonaxac Ñimaye.

Juan 5:21

Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Marcos 8:22

Qaq co'ollaq ivilda ye nỹecpi le'enaxat Betsaida, nache huo'oi soua shiỹaxau' naueguereua'a So Jesús so qanamaic, nache nachoxoreetracot Somaye, da yaqto' ỹashel-lec.

Ezequiel 34:4

Qami' saishet da qautauañi ana qaguetapi maye qaica ca la'añaxac, qataq sa qanatareñi anam sa no'onpi, qataq saishet da qauauoi ca laxataxat na lacagaxa ana huacac na lapia', qataq saishet da qaupacỹapegue' ana dasheuec, qataq saishet da qanmichiỹaique ana deqat, nacherata da saishet da qauchiyiitac qataq sa qanỹeñi anamayepi.

Apocalipsis 3:1

«'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Judas 1:12

Namayepi ỹataqta ỹo'ot da na'agaxa da ỹalectaigui da qarquia'axaqui maye naigui da nsoxoyec. Cha'aye namayepi da deque'e qataq da nỹom, qalaq saishet da iuata'a na laỹepi. Namayepi huotaique da nataxala'pi, qalaxaye maiche nhuogoqtapeguela't, 'eeta'am na napo maye qaica ca lla'ac 'etaxat, choche ỹachetac na la'at. Nataqa'en 'ena'am aca qo'oipaq maye qaca aca ala, cha'aye maye qanapogosheguem, qanmachetcheguem na lpa'a'pi, nache ỹataqta daqaqta.

Lucas 10:19

Aỹem qami' sanema da na'añaxac, da yaqto' na na'araxanaqpi qataq na pe'elaqtoicpi saishet da qami' ique'emaqche't, qataq da yaqto' qanaviqui so pa'aguenataxanaxaic maye qami' ipa'agueeta'ape.

Génesis 45:28

Qaq huaña, nache 'enapec: «¡Hua', 'eeso'oya' da mashe saỹaten ca ỹalec José da ñaq nca'altauec! Qaq aỹem ñeqo'ona qome camaye da yaqto' ñauane', nagui da saxanaxa da seleu.»

Isaías 66:11

cha'aye yemaye qami' illepaxa'n qome, nache qami' ỹa'añaqche't, qataq qami' comaraxaiqa naqa'en, yemaye qami' illepaxa'n qome nache qanque'etaxañiichigui da lyacỹaxac da llo'oxoyec.

Mateo 8:22

Nache So Jesús 'enapeco': –Aỹem 'auca'ategue, cha'aye ỹoqta ỹactec da 'onaxaic da Aỹem 'auca'ategue nagui. ¡Ñaq 'aua'axaỹa'a nam leuaxaicpi da ilayiñi nam lqatacpi!

Lucas 9:60

Qalaxaye So Jesús 'enapega 'eeta': –Ỹactec da ỹaỹamaqchiguiñi da 'am qojec nagui da 'aua'axatec da no'on na'axaỹaxac da lo'onataxanaxac Ñim Lo'onatac 'Enauacna. ¡Ñaq 'aua'axaỹa'a na leuaxaicpi da maiche ilayiñi na lqatacpi!

Lucas 15:23

Ime, qaq qanaviquiiuo ca ỹataqta chaxaraic huaca llalec, nache qaualauache. Ime, qaq ¡sequia'aq, so'otaq ca qantonaxac!

Lucas 15:25

Qaq ñaq huetauga na no'onaxa so ỹe llalec, qaq co'ollaq mashe ñe'eguelaxauo somaye, nache co'ollaq mashe nayeetaua'a so lma', nache hua'axaỹapegueua'a aso nviquepi qataq so dasottega'tpi.