Lucas 15:20 - La'aqtaqa Ñim Lo'onatac 'Enauacna 2013

²⁰ Huaña, nache jec, ỹe'eguelaxa ye lma' so lta'a. Qaq co'ollaq ña qaỹata'aguet, nache so lta'a ỹauaateguet somaye. Nache ỹataqta huo'o da lchoxonnataxanaxa. Nache nqalgoqta'aguet. Qaq co'ollaq ivireguet, nache nqapaltague' qataq napigoqtague'.

Nuevo Testamento Toba Sur

²⁰ Huaña, nachi jec, ÿi'iguelaxa yi lma' so lta'a. Qaq co'ollaq ña qaÿata'aguet, nachi so lta'a ÿauaateguet somayi. Nachi ÿataqta huo'o da lchoxonnataxanaxa. Nachi nqalgoqta'aguet. Qaq co'ollaq ivideguet, nachi nqapale' qataq napigoq.

Nuevo Testamento Toba Sombrero Negro

²⁰ “Chane'eja male ya'uo da'me leuoĝoc, qama'le 'viyelaĝa ñe'me let'a. Ca'li maliaĝa ua'a ga'me qaya'aguet, qanach'e ñe'me let'a yela'aguet qama'le nomeguet da'me yichoĝoden joñe'me. Naqalegoq da'me ca'aguet, qapalec da'me yaconeguet nataq'aen nec'ouoq.

Lucas 15:20 Referans Kwoze

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Efesios 2:13

Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Isaías 49:15

Qalaxaye, ¿ishet peta'a aca nate'e da icoua'ai ca llalec, huo'otaq da vi'iiguet da lauoche cam lalamaxat llalec? Qaq na'aictaxa da acamaye icoua'ai ca llalec, qalaxaye Aỹem saishet da 'am secoua'ai.

Génesis 33:4

Qalaxaye so Esaú, nqalgoqta'aguet somaye, nache qapalot na lqosot, qataq napigoxoi'. Nache soomaye nỹeeta'a't.

Efesios 2:17

So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Isaías 57:18

Aỹem sauaachigui co'ollaxa da lataxac namayepi qalaxaye Aỹem ñataren qome qataq sanem da nmataxac qataq da lle'emaxa. Aỹem sa'añaqchet qome nam daquicotacpi,

Génesis 46:29

Qaq huaña nache so José damaxasoxoolec da qaỹaỹamaxaañi aso nnaigona, da yaqto' jec da huaqata'aguet so lta'a. Qaq co'ollaq ivireguet so lta'a, nache nqapale', nache nỹeetac. Qaq ỹataqta qaỹoqtec so nnoinaxac co'ollaq nqapalta'ai' so lta'a.

Génesis 45:14

Nache so José nqapale' so lqaỹa Benjamín, nache nỹen. Qaq nataqa'en so Benjamín nỹeetac co'ollaq nqapalta'ai' so lqaỹa José.

Hechos 20:37

Nache 'enauaque soomaye nỹeetaguilo, ime, nache nqapaltrapegue' somaye, qataq napigoqtrague'.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

2 Samuel 14:33

Nache so Joab taua'a so nta'a da da'aqtaxanem de'era la'aqtac so Absalón, nache so nta'a iỹaxaneuga somaye, qaq co'ollaq ivireuo, nache ỹa'alyiñi naua l-llecte, nache ivira'aguet naqa'en na latap na 'alhua. Nache so nta'a napigoxoi' so Absalón.

Lucas 15:19

Qaq ỹoqo'oye saq saiguet nagui da 'auamata'ac da aỹem 'aỹa'alec, qaq no'on qome da 'aue'enaxatteguet aỹem ca 'oonolec nam 'aro'onataxanaxanecpi.›

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›