Lucas 15:2 - La'aqtaqa Ñim Lo'onatac 'Enauacna 2013

² Nache nam ỹalectaigui na fariseopi qataq nam dapaxaguenataxaatapeguec na namaxasoxonaxacpi quetapeguelec Somaye, 'eeta': –De'era ỹale, qache ỹaconeguet na 'etaxaloxoicpi qataq lquia'axaua namayepi.

Nuevo Testamento Toba Sur

² Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Nuevo Testamento Toba Sombrero Negro

² Joga'me fariseopi nataq'aen joga'me judiopi napaĝaguenoqo'tpi en ja 'noe'n daa'me 'laqataqa jouaĝat da'me dojo', enapega't: —Dojo' yaconegueta joga'me loeco lo'olpi nataq'aen neuanaĝa'u jogaa'me.

Lucas 15:2 Referans Kwoze

Mateo 9:11

Qaq huo'o som ỹalectaigui na fariseopi da ỹauaachigui 'enauac se'eso shiỹaxauapi, nache inattra'apo' soua lapaxaguenataqa So Jesús 'eeta': –¿Ta'ainco' ñim qami' ỹapaxagueeta'ape ye ishet da nhuana'ai' nam ỹacootapeeguet anam nsheetenaqte ca nta'a qataq nam 'etaxaloxoicpi?

Lucas 19:7

Qaq co'ollaq qaỹauaachigui de'era, nache qanayectega, qoỹeeta': «So Jesús qache ishet da taua'a ye lma' so ỹale maye 'etaxaloxoic.»

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

Hechos 11:3

Nache 'eetego' somaye, 'eeta': –¡'Am 'aupa'aigui na lma' na shiỹaxauapi maye saishet da judiopi, qataq ivira'a da 'arquia'axaua namayepi!

Lucas 7:34

Ime, qataq ñevi', Aỹem Shiỹaxaua Llalec, nache seque'etac qataq ñeỹomtac qalaq qami' qoñiitega da Aỹem quia'aqchaqaic, qataq Aỹem taxaic, qataq ñauochaxaua na shiỹaxauapi maye qauem da na'aqtaguec, qataq na ỹacootapeeguet ana nsheetenaqte ca nta'a maye netaña ye Roma.

Gálatas 2:12

Cha'aye co'ollaq saxanaxa da nvi' so judiopi maye lamaxashecpi so Santiago, nache so Pedro dequi'iỹa'ai' naxa na 'amqaanataxanaxaicpi maye saishet da judiopi, qalaxaye co'ollaq nvi' na judiopi, nache somaye ỹaxaañi da dequi'iỹa'ai' namayepi, cha'aye huo'o da lcolanaxa.

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Lucas 15:3

Nache So Jesús ỹauo'o so daloqnaxana, 'eeta':

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.