Lucas 15:18 - La'aqtaqa Ñim Lo'onatac 'Enauacna 2013

¹⁸ Aỹem she'eguelaxa qome ye lma' ca ita'a. Ime, qaq shenapega qome, sheeta': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am.

Nuevo Testamento Toba Sur

¹⁸ Aÿim shi'iguelaxa qome yi lma' ca ita'a. Ime, qaq shinapega qome, shiita': ‘'Am taxade, aÿim huo'o da ÿasouaxashit hueto'ot ñi Dios qataq'en 'am.’

Nuevo Testamento Toba Sombrero Negro

¹⁸ Male ji'iyelaĝague nayi ga'me taĝadena', qama'le jenaac jo': Taĝadena'olec, ja'uo da'me ja no'en jo'ne ñautena ñe'me Dios nataq'aen am ñautena.

Lucas 15:18 Referans Kwoze

Lamentaciones 3:40

Qaq no'on da ñimitaq da maiche qarataxac, nache qaltaq she'eguelaxasoqot Ñim Nataxala'.

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Mateo 6:14

Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Jeremías 3:19

'Am Israel, aỹem 'am saconeguet co'ollaxa da 'am ỹalec, qataq 'am sanem yem 'alhua maye nqopitaxat, yem 'alhua maye napactelec da lyac 'enauac na laỹepi ana 'alhua, qaq Aỹem sepi'itaxaatega da aỹem 'autaxaỹa nache aỹem 'arta'a, qataq da saishet da aỹem qaỹoqta 'anqa'en.

Salmos 25:11

'Am Nataxala', souaxat da huo'o naq 'enec 'anqa'en da 'are'enaxat, nache 'auapalaxat qome da lta'araic ỹasouaxashet.

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Mateo 3:6

Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Isaías 63:16

¡'Am Nataxala', nache 'am maye 'am qarta'a! Na'aictaxa so Abraham da saishet da qomi' ỹauatto'n, qataq so Israel da saishet da qomi' ntooneque, qalaxaye 'am Nataxala', nache 'am maye 'am qarta'a, qataq nache 'eetai' co'ollaxa da 'am qarca'alaxaqui.

Proverbios 23:13

Saishet da 'aỹa'axaañi da 'auapaxagueetac ca nsoqolec, cha'aye na'aictaxa da qalota da qaiuaxan qalaxaye saishet da ileu,

Mateo 7:11

Qami' matem qami' qauemaiqa, qalaq qauaỹachiñi da qaỹa'añim ca no'on cam qaỹa'alqui. Qaq ¡taloxocheyectoxo' da saq ỹactec Ñim Qarta'ai maye neta'ague da piguem da ishet da ỹanem ca no'on cam iỹaxanot Ñimaye!

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

Lucas 11:2

Nache So Jesús 'enapeco': –Da ivita da qanatamñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna. Ña 'auanac yaqto' 'am 'oonolec da 'am Qarta'a,

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

Jonás 2:4

Nache tachigui iuel da mashe aỹem 'aualat, qataq sepeta'a da saishet da she'eguelaxa da sootaigui añi 'aralamaqte atamnaxaqui.

Daniel 4:26

Qaq dam namaxasoxonaxac co'ollaxa da qano'onaxatañi aso lamo qataq na lpa'a'pi aso qo'oipaq, damaye naigui da 'am qaỹe'eguelaxatot da 'aro'onataxanaxac 'am nta'a, qom 'auauatton da Ñim Lo'onatac 'Enauacna nacheñi ñim huo'o da la'añaxac.

Lamentaciones 3:29

qataq camaye iuen da sana'amaten, qataq nqapaxaneguet na 'alhua, cha'aye saiuena'a da ñaqauo'o da naquitaxac,

Lucas 15:17

Huaña, nache deuennataxaatac, 'eeta': ¡Ỹataqta 'enauac na lo'onataxanaxanecpi ca ita'a chochaq huañi na aloq ye lma', qaq aỹem na soota'a ỹataqta aỹem ỹalauat na iqouaxa!

Lucas 15:19

Qaq ỹoqo'oye saq saiguet nagui da 'auamata'ac da aỹem 'aỹa'alec, qaq no'on qome da 'aue'enaxatteguet aỹem ca 'oonolec nam 'aro'onataxanaxanecpi.›