Lucas 15:13 - La'aqtaqa Ñim Lo'onatac 'Enauacna 2013

¹³ Qaq co'ollaq saxanaxa da qaỹa'aguelo soua na'axa'te, nache som ñalec na'asa imen 'enauac som lalamaxat. Nache aso lasheue ỹache da nqo'ona so lỹa 'alhua, som huaña co'ollaq choche ỹe'en aso alom, qataq taigui da qauem llecỹaxac.

Nuevo Testamento Toba Sur

¹³ Qaq co'ollaq saxanaxa da qaÿa'aguelo soua na'axa'te, nachi som ñalec n'asa imen 'enauac som lalamaxat. Nachi aso lashiue ÿachi da nqo'ona so lÿa 'alhua, som huaña co'ollaq chochi ÿi'en aso alom, qataq taigui da qauem da lliquiaxac.

Nuevo Testamento Toba Sombrero Negro

¹³ Ja copa'alo gaa'me noloqo'ote jo'ne yenoĝodegue ñe'me c'oĝot 'me nejoq yemen yema ga'me mach'e qoyen loĝot, qama'le dajoyi ga'me aleua laqaya jo'ne qaya'ague, ua'a da'me ja yoden jaga'me naicaua ja nauecala't da'me nejiyaĝauayaĝac.

Lucas 15:13 Referans Kwoze

Jeremías 2:5

Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Proverbios 29:3

Ca ñalec ỹaanaxanaxaic ỹo'ot da machiguiñi ca lta'a, qaq ca nnaigaxaua aca quisheguetaxai qalaq choche ỹa'ashaxan ana alom.

Proverbios 21:17

Qaq ca ỹagaqnauec da lqopitaxanaqtaic na na'ashaxacpi, qataq na lataxa huo'otaq na coraxat ama na laita, camaye taỹa'a da lachoxoyec.

Proverbios 28:7

Ca ñalec ỹaanataxanaxaic camaye ipacchiguilo naua lqataxaco Ñim Lo'onatac 'Enauacna, qaq ca saiỹotec ca quia'axaic qalaq ỹo'ot da lcoxo ca lta'a.

Lucas 16:19

Huo'o co'ollaxa so ỹale ỹataqta sallaxanec, somaye ỹaatrañi naua no'oñi anogo, qataq qaica ca 'ena'ama. Qaq somaye ỹo'ottac 'enauaque naua na'axa'te da lta'araic lquia'axac.

Lucas 16:1

So Jesús nataqa'en 'enapegalo soua lapaxaguenataqa, 'eeta': «Huo'o so ỹale ỹataqta sallaxanec. Qaq somaye huo'o so ipataxaguet da ilo'ogue naqa'en so lma'. Nache qaỹa'aqtaxaneua'a somaye da se'eso ilotague' naqa'en so lma', choche ỹa'ashaxan de'era lsallaxa.

Lucas 15:30

Qaq nagui da nvi' da 'aỹa'alec maye choche iqataqchet aso 'om souaxat ana quisheguetaxai, nache 'aualaataxanem, 'aualauat so huaca llalec maye chaxaraic.›

Miqueas 6:3

Qaq 'era da la'aqtac, Ñim Nataxala' 'eeta': Qami' ỹalamaxat nhuo' le'ecpi, ¿negue't cam qami' so'oteque maye qami' inogoqche't?

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

Isaías 30:11

Qoquiỹa'ai qome so nqa'aic qataq qauasheelec qome so ñec maye ỹashectec, qataq saishet qome da qomi' qauataxañiỹoto Ñim Qui'itta Natamnaxala' na Israel le'ecpi.»

Isaías 22:13

Qalaxaye qami' qauo'ocheetac da na'ashaxac, nache qauamaitapiguiñi qaualauache aso huacapi qataq aso qaguetapi, nache qolliquiitac so lapat qataq qanỹomiitapigui so lataxa. Nache qoñiỹapec: «Sequia'aq qataq ñiỹomaq cha'aye qonte' nache seleuaq.»

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Proverbios 27:8

Qataq 'eeta'am ca qoỹo da huaỹoteguelec ca huaña cam qaỹoqta naña ca lpata'c, nachera da 'eetec ca shiỹaxaua da coleeteguelec ca huaña cam qaỹoqta naña ca lma'.

Proverbios 21:20

Ca lma' ca ỹaanaxanaxaic qalaq huo'o da nsallaxa, qataq huo'o na coraxat ama na laita qaq ca qaica ca ỹaỹaanapec qalaq nda'a't da imetaxateuo 'enauac na hueto'ot.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Proverbios 6:26

Cha'aye aca quisheguetaxai choche quetague' da ilotaique ca aloq, aca lauañe' ca sa lhua qalaq ca'atteguiñi' ca ỹale maye huo'o naqye.

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

2 Pedro 2:13

Qataq huo'o da nque'eenaxac souaxat nam ỹo'otec nque'eenaxacpi na laỹepi, cha'aye ipettega da ivira'a da machiguiñi souaxat nam ỹo'ottacpi qauem maye maiche 'eetapeguec da ỹachaigui ye na'a'q. Ỹataqta ỹo'ot da na'agaxa da qaimeteetac nam ỹo'ottacpi qauem, qataq nam qami' ỹo'oteque qauem da qami' ỹalectraiguilo da huaigui na laponaxac na ỹa'amaqten So Jesús.

Efesios 2:17

So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Efesios 2:13

Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Lucas 15:12

Nache huo'o so na'a'q so na'asa soomaye 'enapega so lta'a, 'eeta': ‹'Am taxare, aỹem 'aỹa'anem qome dam isallaxa maye 'auqataxaatapigui' da aỹem talec.› Nache, so lta'a icolaxachigui dam lsallaxa, nache ỹanoiguilo.

Lucas 15:14

Qaq co'ollaq mashe imeuo 'enauac aso alom, nache anac so lta'araic nqouaxa se'eso 'alhua. Huaña, nache somaye ỹataqta huo'o na lqouaxa.