Lucas 14:26 - La'aqtaqa Ñim Lo'onatac 'Enauacna 2013

²⁶ –Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

Nuevo Testamento Toba Sur

²⁶ –Sa ishit da ÿapaxaguenatac ca aÿim nau'a, da huo'otaq ÿapagaqnauec da ÿauotec ca lta'a, huo'otaq aca late'e, lhua, qataq ca llalaqpi, lqaÿañicpi ÿallippi qataq 'alpi, qataq ivida'a da maichi nachaalataxac.

Nuevo Testamento Toba Sombrero Negro

²⁶ “Qom 'uo ga'me jetaque jayem equegue qama'te da'me loqopich'i jo'ne jayem yanem ja napacalegue ga'me let'a nataq'aen lat'e, jaga'me loua, jogaa'me c'oqo'tolqa, nataq'aen jogaa'me mach'e laqaya'olqa, chayovida'a da'me mach'e 'loyaĝac, qama'le ja yaqanatet ta'le yapaĝaguenatac.

Lucas 14:26 Referans Kwoze

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Juan 12:25

Ca ndotec da ỹauotec da maiche nachaalataxac, nache camaye ishet da deqat, qaq cam sa ỹauotec da nachaalataxac nagui da ñaq hueta'a ana 'alhua, nache camaye qaỹaỹamaxat da nachaalataxac da yaqto' chochaq tatec.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Deuteronómio 33:9

som 'eetega so lta'a qataq aso late'e, 'eeta': ‹Sa ỹauana da qami' selota'alo›, qataq co'ollaq ila'alo soua lqaỹa't qalaq, 'eeta': ‹Qami' sa sauatto'n› nataqa'en co'ollaq ila'alo soua llalqa nache, 'eeta': ‹Saishet da qami' sauatto'n.› Qalaxaye ỹataqta ỹalaxaguet da 'ara'aqtac qataq ipactelec da ỹo'ot da 'anaỹamaxataxac.

Romanos 9:13

Qaq 'era da la'aqtaxanaxac ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem ica'aguishec so Jacob qaq so Esaú qalaq saishet.»

Deuteronómio 21:15

Da huo'o ca ỹale da dos caua lhua't, nache da 'oonole aca ỹataqta ỹauotec, qaq aca lỹa saishet da ỹauotec. Qalaxaye da 'enauaque caua lhua't da deco'oi', nache ca la'auaxanec llalec caamaye nache llalec aca saishet da ỹauotec,

Lucas 14:25

Qaq ỹataqta qalota so shiỹaxauapi maye ca'attague' So Jesús, nache Somaye namataique somayepi. Nache 'enapega, 'eeta':

Números 10:30

Qalaxaye so Hobab 'eeta': 'A'i, saishet da ashec, cha'aye aỹem she'eguelaxa ye ña'alhua qataq ye maiche ihuo' le'ecpi.

Salmos 139:22

Aỹem ỹataqta imauec da sequiỹa namayepi, namayepi ỹataqta ñepa'aguenaxauapi.

Lucas 14:20

Qaq so lỹa qalaq, 'eeta': «Aỹem cheta'ague da saron, qaq ỹoqo'oye aỹem saishet da ashec.»