Lucas 14:23 - La'aqtaqa Ñim Lo'onatac 'Enauacna 2013

²³ Nache so 'aco' 'enapega so lamaxashec, 'eeta': «Qojec, 'anqo'oneugalo qome naua nqa'aico lta'al qataq naua nqa'aicolqa nam pa'auec. Nache qonapega na laỹepi shiỹaxauapi da yaqto' nnoxoneuo. Cha'aye sauotaique da nlaqchigui na ima'.

Nuevo Testamento Toba Sur

²³ Nachi so 'aco' 'enapega so l-latac, 'eeta': “Qojec, 'anqo'oneugalo qome naua nqa'aico lta'al qataq naua nqa'aicolqa. Ime, qaq 'anauecauo na laÿipi da yaqto' nnoxoneuo, yaqto' ishit da nlaqchigui na ima'.

Nuevo Testamento Toba Sombrero Negro

²³ Chane'eja joñe'me 'yateguet: «Auequeloitapiye't oqueguelo gaa'me naq'aeco nataq'aen gaa'me nanaĝanaqa'te, qama'le auepaquetapegue'to jogaa'me jiyaĝa'u laqaya' qaedi nenoĝodeuo, qaedi nejaqachigui jena'me 'yachaqa'.

Lucas 14:23 Referans Kwoze

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

2 Corintios 5:11

Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.

2 Timoteo 4:2

Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Romanos 10:18

Qalaxaye aỹem senataxan, sheeta': ¿Saishet peta'a da huo'o ca huaña da hua'axaỹa de'era na'aqtaxanaxac? ¡'A'i, sogote da hua'aqtega! Cha'aye naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Naua la'aqtaqa taleguete imauec ana 'alhua, qataq ivira'alo 'enauaque naua pa'atre'c laỹel ana 'alhua.»

Hechos 28:28

Qaq da pa'atec la'aqtac so Pablo 'eeta': ¡Ỹataqta 'eesa da Ñim Lo'onatac 'Enauacna da huotaique da nca'alaxatec nam saishet da judiopi! ¡Cha'aye namayepi ỹataqta na'axaỹaxan!»

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Salmos 98:3

cha'aye sa icoua'ai da lauotaxanaqtaic, qataq da 'eesa la'aqtac maye ỹanem co'ollaxa na Israel le'ecpi. Nache 'enauac na hueta'alo naua loga'te ana 'alhua ỹauaachigui co'ollaxa da lca'alaqtaxanaxac Ñim Qanatamnaxala'.

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Hechos 9:15

Qalaxaye So Qarataxala' 'enapego' somaye, 'eeta': –'Aue, 'anqo'ona, cha'aye Aỹem ica'aguishec ñi'iñi ỹale da yaqto' Aỹem ỹa'axat da ỹa'axatem na ỹotta'a't shiỹaxauapi, qataq na lta'alpi namayepi, nataqa'en nam Israel le'ecpi.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Lucas 24:29

Qalaxaye ỹataqta ipactrega soomaye da no'onañi naqa'e'n. Nache 'eetrega, 'eeta': –Ña qomi' 'ano'onaisopactaxa. Ten, ye mashe avit, qataq yaqta'a da pe. Nache So Jesús ca'ateuo'oguelo soomaye da no'onaisopa.

Mateo 5:41

Qataq da huo'o ca huataxanaq le'ec da 'am 'enapega da 'auache ca lla'ac da 'aviraxata'a ca laloqnec, nache 'am iuen da 'anquigaxattec ca tachiguiña da 'anqaañi camaye.

Lucas 14:22

Qaq co'ollaq mashe ñe'eguelaq so namaxashec, nache da'aqtaxan, 'eeta': «'Am ña'aco', mashe sogote da so'ot 'enauac da aỹem 'auamaxalec, qalaxaye ñaqaiyeta ñaq huo'o ye ndaqa'.»

Lucas 14:24

Qalaxaye saishet da iquia'axaua 'enauac nam hua'auchiguiñi da secoyeguenpi.»