Lucas 14:21 - La'aqtaqa Ñim Lo'onatac 'Enauacna 2013

²¹ Qaq so namaxashec co'ollaq mashe ñe'eguelaq, nache da'aqtaxaatapeguem 'enauac de'era so na'aco'. Nache somaye 'enapega so lamaxashec, 'eeta': «Qojec qome, sa 'anaỹaloxon da qoqueguelo naua lta'al nqa'aico qataq naua nqa'aicolqa nam nỹecpi. Ime, qaq 'anauegueuo qome na choxoraqpi qataq nam sa da'añiigue qataq nam ñe'eerauo naua lchel qataq nam qanamaicpi.»

Nuevo Testamento Toba Sur

²¹ Qaq so nlatac co'ollaq mashi ñi'iguelaq, nachi da'aqtaxaatapeguem 'enauac de'eda so n'aco'. Nachi 'enapega so l-latac, 'eeta': “Qojec qome, sa 'anaÿaloxon da qoqueguelo naua lta'al nqa'aico qataq naua nqa'aicolqa nam la ciudad. Ime, qaq 'anauegueuo qome na choxodaqpi qataq nam ÿamaxaicpi qataq nam ñi'idauo naua lchil qataq nam qanamaicpi.”

Nuevo Testamento Toba Sombrero Negro

²¹ Ñe'me nalemaĝajet 'viyelaq qama'le yema 'yaĝatem ñe'me lejaliaĝanec. Chane'eja joñe'me jalcote dalemata, qama'le enapega ñe'me lalemaĝajet: «Yaĝa, aueyalatapiye't da'me auec'atalo gaa'me noqoyaĝaco jo'ne jalco'elo nataq'aen noqoyaĝaco jo'ne ja leca'elo jena'me noic, qama'le anaueta jenjo' gaa'me choĝodache, jogaa'me choĝolaĝayaqa, jogaa'me qana'mi nataq'aen jogaa'me uayodaĝayaqa.»

Lucas 14:21 Referans Kwoze

Lucas 14:13

Qaq ỹoqo'oye da ivita da 'auo'ot ca 'arquia'axac, qalaq 'aucoyeguen nam choxoraqpi qataq na sa da'añiigue qataq nam ñe'eerauo naua lchel qataq nam qanamaicpi,

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Lucas 14:24

Qalaxaye saishet da iquia'axaua 'enauac nam hua'auchiguiñi da secoyeguenpi.»

Isaías 35:6

qaq na sara'añeeguelo naua lchel qalaq parenaxaatai' qome 'eeta'am aca chegaxango, qaq na 'apaicpi qalaq ỹa'alaqtagui qome. Qaq yem toolec qataq yem deqaqta 'alhua qalaq npaxaasheguem qome na 'etaxat.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

1 Samuel 2:8

Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Isaías 33:23

Naua lque'ete ana notaxaquipi maye quiguingui na 'etaxat qalaq saishet da ichegueleguete, nache saishet da nllañi ana lashepi anamayepi qataq saishet da qaipiguiisheguem nam huaỹoxon naqa'en anamayepi. Huaña nache seuotaxanaxac nam qalota logoxoshetpi nam qampa'aguenaxauapi, qaq ivira'a nam ñe'eerauo naua lchel da deuotaxanec qome nam logoxoshetpi namayepi.

Lucas 9:10

Nache soua lapaxaguenataqa co'ollaq mashe ñe'eguela'q, nache da'aqtaxaatrapeguem So Jesús 'enauac nam ỹo'otpi. Ime, nache So Jesús nnaicapegueto soomaye da nqo'onalo ye nỹecpi ye Betsaida, cha'aye huotaique da ndoteto soomaye.

Mateo 18:31

Nache soua lỹa't lo'onataxanaxau' co'ollaq ỹauaachigui de'era, nache ỹataqta qalota da nqui'i'c. Nache je'c soomaye da da'aqtaxaareua'a so na'aco' 'enauac de'era.

Mateo 15:12

Nache soua lapaxaguenataqa So Jesús nquiguereua'a Somaye nache 'eetrega, 'eeta': –Na fariseopi ỹataqta dalemata can hua'axaỹa de'era 'ara'aqtac.

Zacarías 11:11

Qaq nache huaigui se'eso na'a'q, da nlaguiñi se'eso aỹamaxataxac, nache som shiỹaxauapi maye desheenaxatega co'ollaxa aso qaguetapi maye aỹem ilotagui, ỹaỹaten da nacheñi Ñim Nataxala' ñim detaqtac, chegoqchigui naqa'en nam so'otpi.

Zacarías 11:7

Nache aỹem selo'ogue aso qaguetapi maye taỹa'a da qaỹalauat. Qaq aỹem so'ot damaye souaxat nam desheenaxatega anamayepi. Qataq sauo'oi soua dos ỹasheltel: Aso 'oonole le'enaxat ñaqa'en «'Achecỹaxac» qaq aso lỹa le'enaxat ñaqa'en «Na'atta'a't».

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

1 Samuel 25:12

Nache soua lamaxa'she so David ỹe'eguela'q, qaq co'ollaq ivitra so David nache da'aqtaxanem 'enauac na la'aqtacpi so Nabal.

Salmos 38:7

Na ilaq qalaq 'eroigui souaxat na ỹe'eraxa, qataq dolata 'enauac na ỹo'oc.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Lucas 14:20

Qaq so lỹa qalaq, 'eeta': «Aỹem cheta'ague da saron, qaq ỹoqo'oye aỹem saishet da ashec.»

Lucas 14:22

Qaq co'ollaq mashe ñe'eguelaq so namaxashec, nache da'aqtaxan, 'eeta': «'Am ña'aco', mashe sogote da so'ot 'enauac da aỹem 'auamaxalec, qalaxaye ñaqaiyeta ñaq huo'o ye ndaqa'.»

Mateo 20:7

Nache somayepi 'enapeco': «¡Cha'aye qaica ca qomi' ỹo'onataxanaxa'n!» Nache se'eso 'aco' 'enapeco': «Qami' nataqa'en qanqo'oñiuga qome ye ỹanaxanqa' da qauo'onataxañi.»