Lucas 14:16 - La'aqtaqa Ñim Lo'onatac 'Enauacna 2013

¹⁶ Nache So Jesús 'enapeco': –Huo'o so ỹale ỹo'ot so lta'araic lquia'axac, nache icoyeguen so qalota shiỹaxauapi da lquia'axaua.

Nuevo Testamento Toba Sur

¹⁶ Nachi so Jesús 'enapeco': –Huo'o so shiÿaxaua i'ot so lta'adaic lqui'axac, nachi damaxasoxoneuga so qalota shiÿaxauapi da lqui'axaua.

Nuevo Testamento Toba Sombrero Negro

¹⁶ Jesús 'yateguet: —'Uo ñe'me jiyaĝaua jo'ne ya'uo da'me niqui'yaĝac ca'li pi'yaq, qama'le delataĝanaque da'me qaedi qonepoda'tape yema ga'me jiyaĝadipi.

Lucas 14:16 Referans Kwoze

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Zacarías 10:7

Qaq na Efraín, qalaq 'eeta'am qome ca ale, qataq da lquiyaqteỹaxac, ỹataqta matapiguiñi qome, 'eeta'am ca shiỹaxaua da nỹomtapigui na lataxa. Qaq na llalaqpi da ilotaigui, nache nataqa'en machiguiñi; da lquiyaqteỹaxac ỹataqta machiguiñi souaxat Ñim Nataxala'.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!