Lucas 14:13 - La'aqtaqa Ñim Lo'onatac 'Enauacna 2013

¹³ Qaq ỹoqo'oye da ivita da 'auo'ot ca 'arquia'axac, qalaq 'aucoyeguen nam choxoraqpi qataq na sa da'añiigue qataq nam ñe'eerauo naua lchel qataq nam qanamaicpi,

Nuevo Testamento Toba Sur

¹³ Qaq ÿoqo'oyi da ivita da 'au'ot ca 'adqui'axac, qalaq 'auachit nam choxodaqpi qataq na ÿamaxaic qataq nam ñi'idauo naua lchil qataq nam qanamaicpi,

Nuevo Testamento Toba Sombrero Negro

¹³ 'Noota qom ja naq'aeta, dite da'me qom aua'uo da'me adiqui'yaĝanataĝanaĝac, anepoda'y jogaa'me choĝodache, jogaa'me choĝolaĝayaqa, nataq'aen jogaa'me uayodaĝayaqa nataq'aen jogaa'me qana'mi.

Lucas 14:13 Referans Kwoze

Lucas 14:21

Qaq so namaxashec co'ollaq mashe ñe'eguelaq, nache da'aqtaxaatapeguem 'enauac de'era so na'aco'. Nache somaye 'enapega so lamaxashec, 'eeta': «Qojec qome, sa 'anaỹaloxon da qoqueguelo naua lta'al nqa'aico qataq naua nqa'aicolqa nam nỹecpi. Ime, qaq 'anauegueuo qome na choxoraqpi qataq nam sa da'añiigue qataq nam ñe'eerauo naua lchel qataq nam qanamaicpi.»

Isaías 58:10

qataq da 'anañaneguet da 'auquia'axan cam huo'o na lqouaxa, qataq da 'autauan cam ỹaquicoqchettac ca lhuenaxanaxa, nache 'eroigui qome aca 'arcoỹaraxanaxaqui da huaigui na napalaxa, qataq nam 'arpaqal 'eeta'am qome na le'eraxa ye na'a'q laiñi.

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Isaías 58:7

qataq 'aỹa'anem ca laỹe ca 'oq cam huo'o na lqouaxa, qataq ca qaica ca lma' qalaq 'auaconeguet da naua'a ca 'arma', qataq ca qaica ca logoxot qalaq 'aỹa'anem ca logoxot, qataq saishet da 'axanec da 'autauaatac cam qoneta'am 'arỹa.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Nehemías 8:10

Qaq so Esdras nataqa'en, 'eeta': «Qoquiiuo qome nache qauqui'i, qollequi ca ỹoqta no'on nallec, qataq qanỹomigui ca ama lataxa, qataq qauachichi qome ca ỹapac qaica ca aloq, cha'aye ne'ena na'a'q qoỹanot Ñim Nataxala'. Qaq saishet qome da qauaquicoitac, cha'aye da l-lagaxayec Ñim Nataxala' nachera da qara'añaxac.»

Mateo 22:10

Nache som namaxashecpi jec da queguelo naua nqa'aico da icoyeguen so qalota shiỹaxauapi, somayepi huo'o na qauemaic, qataq huo'o na 'onaxaic da lataxac, qaq huaña, nache ỹataqta nlaqchigui se'eso nỹec maye huaña se'eso naronaxac.

Deuteronómio 16:14

Nache qauamaichiguiñi qome da qauo'oche que'eca naponaxac, qataq qaualliquiita'aguet ca qaỹa'alquipi, qarlataquipi, leviitapi, qataq ca chegaqauecpi, saploqpi, qataq aca pa'aipi maye netaña cam qoñiitaigui huaqta'a't nỹecpi.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Deuteronómio 16:11

Qataq qauamaichiguiñi qome, ỹauaachigui qanqa'eñi Ñim Nataxala' maye Qanatamnaxala'ai, qataq huaña ca lca'ateua'a da lanataqa', nache qaualliquiita'aguet nam qaỹa'alquipi, qarlataquipi, leviitapi, qataq na chegaqauecpi, saploqpi qataq ana pa'aipi maye qami' netaiguilo.

Deuteronómio 14:29

yaqto' da anac na leviitapi maye qaica ca lalamaxat na'alhua, qataq ca chegaqauecpi, saploqpi, qataq aca pa'aipi maye netaña que'eca huaqta'a't nỹecpi maye qoñiitaña, nache ishet nataqa'en da deque'e, ivitta'a da ỹataqta comaraxaicpi. Yaqto' qami' taleguete qome da lchoxonnataxanaxa Ñim Nataxala', nache 'onaxaic naqa'en 'enauac na qauo'oche.

1 Timoteo 3:2

Qalaxaye ca lataxala' na 'amqaanataxanaxaicpi saishet da huo'otaq sa ỹaỹamaxañi da na'aqtaguec. Nachaqrata da 'oonole naqa'en aca lhua, qataq ỹataqta ilotegue da llecỹaxac, daỹaanataxan, huo'o naq 'enec qanqa'en. Qataq ỹataqta ỹaỹaten da ilo'oguet ca lỹa. Qataq ỹaỹaten da dapaxaguenataxan.

Da na'aqtaguec so Job 29:13

Qaq na huetapoigui da mashe qaica ca ye, aỹem ỹaatacot naxa da na'achec, qataq da itaunaxanaxac ỹataqta machiguiñi naqa'en da lquiyaqteỹaxac ana pa'aipi.

Nehemías 8:12

Huaña nache 'enauac se'eso nhuo' le'ecpi, jec da ỹo'ot so lquia'axac, nỹomtac qataq ỹachet som qaica ca aloq, nache ỹataqta machiguiñi souaxat da qaỹaỹateeteguet se'eso napaxaguenataxanaxac.

2 Crónicas 30:24

Cha'aye so Ezequías, maye nta'a ye Judá, ỹaatem co'ollaxa se'eso shiỹaxauapi so mil huaca llalaqpi, qataq siete mil aso qaguetapi, qaq nataqa'en so nataxala'pi ỹaatem se'eso nhuo' le'ecpi so mil huaca llalaqpi, qataq diez mil aso qaguetapi, nache ỹataqta qalota so ntaxaỹaxanaxanecpi so nqui'itaxat.

2 Samuel 6:19

Ime, nache 'enauac somayepi da ỹanem ñi 'oonolec aso 'oonole nauole 'ayiiña, qataq na laỹe so lapat, qataq aso nqaxaỹaqta ala ana uva. Qaq co'ollaq imeta somayepi nache 'enauac da ỹe'eguelaxalo soua lma'ate.

Tito 1:8

Nachaqrata da nlosheguem, saishet da sa ilo'oguet ca lỹa da namaxasoxoic, qataq nqopita da ỹo'ot ca ỹaỹamaqchiguiñi. Qataq iuen da hua'auñi da deuennataxaalec da huo'o ca ỹo'ot, qataq no'on da lataxac, qui'itta, qataq ilotegue da nachaalataxac.

Filemón 1:7

'Am ỹaqaỹa Filemón, aỹem ỹataqta samachiguiñi cha'aye huo'o da ỹa'axaỹaxac da qoneta da lta'araic 'arauotaxanaqtaic na qarqaỹañicpi, qataq 'am chegoqchigui da huo'o da la'añaxac da lquiyaqteỹaxac 'enauac na qarqaỹañicpi.

Hechos 9:39

Nache so Pedro ca'ateguelo soomaye. Qaq co'ollaq ivilye', nache somaye qaỹaviguisheguemec se'eso nỹec maye huetaigui aso Dorcas. Qaq qalota aso pa'aipi datataua'a so Pedro nỹeetagui. Nache ỹachaxaatac ana npotopi qataq na npo'pi maye lo'onatacpi asomaye co'ollaq ña qanachattague'.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Proverbios 22:9

Ca choxonnataxanaxaic, camaye huo'o da nchoxonnataguec, cha'aye da huo'o na aloq qalaq nhuaata'ai' na choxoraqpi.

Mateo 15:30

Nache ỹataqta qalota so shiỹaxauapi nauga ca hueta'a Somaye, nauectauo nam qaica ca lche lỹa, qataq nam sanauaañi, qataq na qaicaua naua la'aqtaqa, qataq na qaica ca lhuaq lỹa, qataq qalota na laỹepi sa no'onpi. Nache qairoua'a So Jesús, nache Somaye nataren 'enauac somayepi.

Lucas 14:12

Nataqa'en 'enapega som shiỹaxaua maye dequia'axanataxan, 'eeta': –Da ivita da 'auo'ot ca 'arquia'axac ca na'a'q laiñi, huo'otaq ca pe, qalaq saishet qome da 'arquia'axaua ca 'anauochaxaua qataq ca 'arqaỹa, huo'otaq ca camachaqca 'arhuo' le'ec, huo'otaq na 'arhuoreuapi sallaxanecpi, cha'aye namayepi ishet da qaltaq 'am ỹe'eguelaxateguet da 'am iquia'axan, huaña, qaq huo'o da 'ansheetenaguec.

Lucas 14:14

yaqto' ishet da ỹataqta 'auamachiguiñi. Cha'aye namayepi saishet da 'am isheetena'aguet. Qalaxaye 'am qome huo'o ca 'ansheetenaguec qom ivita da qaltaq qanca'alaxatec nam shiỹaxauapi maye ỹo'ottac nam ỹaỹamaxareeta Ñim Lo'onatac 'Enauacna.