Biblia Todo Logo
Bib sou entènèt

- Piblisite -




Lucas 14:11 - La'aqtaqa Ñim Lo'onatac 'Enauacna 2013

11 Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Gade chapit la Kopi

Nuevo Testamento Toba Sur

11 Cha'ayi ca nshitaique da n'amaqten, qaq nachica ca saq 'amaqtaq qanqoÿin, qaq cam sa n'amaqten, qaq nachica ca 'amaqtaq qanqoÿin.

Gade chapit la Kopi

Nuevo Testamento Toba Sombrero Negro

11 Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.

Gade chapit la Kopi




Lucas 14:11
24 Referans Kwoze  

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»


Cha'aye cam ipettega da nataỹaña da la'amaqchec na laỹepi, nache camaye qaỹo'otec da qaica ca la'amaqchec. Qaq nam sa na'amaqten, qalaq nachena na qaỹamata'ac da 'amaqtaqaic.


Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.


Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»


Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»


Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.


Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.


Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.


Na ño'oxonnaxaicpi qataq na na'amqaanaxaicpi ỹataqta imauec qome da qaica ca 'enec. Nacheñita Ñim Nataxala' da qaỹo'oxoren qome que'eca na'a'q,


Qataq 'am 'anca'alaxatec ca ỹataqta choxoraq, qalaxaye ỹataqta huetaiya' 'anqa'en na ño'oxonnaxaicpi.


Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,


Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.


Cha'aye Ñim Lo'onatac 'Enauacna huetaiya' naqa'en ca ño'oxonnaxaic qataq nauaxaỹaxaasheguem ca sa na'amaqten.


Nache so Samuel, 'enapec: «¿Peta'a saisheto' da nache 'am co'ollaxa da qonapec qaica ca 'ara'amaqchec? Qalaqca 'avira'a da 'am lataxala' na maiche nalamaxat nhuo' Israel le'ecpi, qataq Ñim Nataxala' 'am ỹanagui da 'am lta'a na Israel le'ecpi.


Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.


Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.


'Am 'anca'alaxatec ca qaica ca 'enec, qalaxaye na na'amqaanaxaicpi, qalaq qaica ca naigui 'anqa'en.


Qataq saỹaỹamaxañi da sa qaỹala'ac da qanallec ca te'esaq lta'a lli'i, qataq saỹaỹamaxañi da qanmitta'ai da maiche ño'oxoyec.


Deuotaxanec da lo'onataxanaxac na 'añaxaicpi, ime, nache ỹanem da la'añaxac na choxoraqpi.


Nataqa'en 'enapega som shiỹaxaua maye dequia'axanataxan, 'eeta': –Da ivita da 'auo'ot ca 'arquia'axac ca na'a'q laiñi, huo'otaq ca pe, qalaq saishet qome da 'arquia'axaua ca 'anauochaxaua qataq ca 'arqaỹa, huo'otaq ca camachaqca 'arhuo' le'ec, huo'otaq na 'arhuoreuapi sallaxanecpi, cha'aye namayepi ishet da qaltaq 'am ỹe'eguelaxateguet da 'am iquia'axan, huaña, qaq huo'o da 'ansheetenaguec.


Da huo'o ca 'oonolec da qoñiita da choxoraq, qalaq camaye iuen da na'amaqchengui da Ñim Lo'onatac 'Enauacna ỹataqta huo'o naq naigui naqa'en camaye.


Qaq ỹoqo'oye saishet qome da qana'amaqchiñi, qataq qauacoñiiguet da lamaxasoxonaxac Ñim Lo'onatac 'Enauacna, cha'aye Ñimaye ỹataqta 'añaxaic. Qaq qom ivita ca laloqo', nache Ñimaye qami' ỹo'oteque da qoñiỹa'am na laỹepi shiỹaxauapi maye 'amaqtaqaicpi.


Qaq huaña nache so nta'a 'enapega so Amán, 'eeta': Hua', ñaq 'auỹalapigui' qome da 'auacona aca mpoto, qataq 'auaconeua'a ca caaỹo, nache ipacchigui 'anqa'en dam qonapec, qaq nache 'auo'otec damaye ñim judío Mardoqueo, maye nso'ootañi netaña ñi lasom ñi nma' lta'araic. Qaq saishet qome da 'oonolec 'anqa'en ca deqaptauec nam qonapecpi.


Swiv nou:

Piblisite


Piblisite