Lucas 14:1 - La'aqtaqa Ñim Lo'onatac 'Enauacna 2013

¹ Qaq huo'o so na'a'q mataxaqui, nache So Jesús nqo'oneua'a da lquia'aqa' so lma' som 'oonolec nam lataxala'pi na fariseopi. Qaq som laỹepi maye ỹalectauo, 'enauac somayepi choche nauaatac So Jesús.

Nuevo Testamento Toba Sur

¹ Qaq huo'o so na'a'q mataxaqui, nachi so Jesús nqo'oneu'a da lqui'aqa' so lma' som 'oonolec nam lataxala'pi na fariseopi. Nachi nam laÿipi fariseopi chochi nauaatac somayi.

Nuevo Testamento Toba Sombrero Negro

¹ Ua'edi 'uo jo'me nolo' jo'ne niyamaqatac, Jesús yec'ata ga'me 'lachaqa' ñe'me lejaliaĝane'j gaa'me fariseopi qaedi deque'e, qama'le gaa'me fariseopi yelochidegue ca'li.

Lucas 14:1 Referans Kwoze

Marcos 3:2

Qaq so chegaqaigui na fariseopi choche nauaatac So Jesús da huo'otaq nataren so ỹale se'eso na'a'q mataxaqui maye saishetapec namayepi, da yaqto' ishet da qaỹauo'o ca lasouaxashet Somaye.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Lucas 11:37

Qaq co'ollaq mashe imat da ltaxaỹaxac So Jesús, nache huo'o so 'oonolec maye ỹalectaigui na fariseopi ỹayena'a Somaye da lquia'axaua ca lma'. Nache So Jesús jec, ime, nache nso'ooñi datalec ca nquia'axala'.

Salmos 62:4

Qataq nda'a't da qarhuennataxaqui da aỹem qauamaqaiñi, qataq qanqopichiỹa da natenataxanaxac. Qataq ndotrec naua qara'aqtaqalle' da aỹem qavio'oxoyiñiitac, qalaxaye da qarhuennataxaqui aỹem ilattapiguiñi.

Salmos 41:6

Namayepi da anac da aỹem nmeenaxaneua'a qalaq saishet da ỹoqta 'eesa, cha'aye da lhuennataxa huetaigui 'enauac na qauemsat, ỹoqo'oye da tauga na nqa'aic nache ỹa'axattac.

Lucas 6:7

Qaq na chegaqaigui na fariseo qataq nam dapaxaguenataxaatapeguec na namaxasoxonaxacpi, choche nauaatac So Jesús da huo'otaq nataren na lhuaq se'eso ỹale. Da ỹo'ot de'era, nache ishet da qaỹachegoxotchigui da huasoilec qanqa'en da do'onataxangui so na'a'q mataxaqui.

Proverbios 23:7

cha'aye namaye 'eeta'am ca qoue da huetangui ana nqoichiqui, cha'aye camaye 'am iỹaxana da 'arquia'axaua qataq 'anỹomaxaua, qalaxaye saishet da ỹoqta 'eesa da lhuennataxa,

Salmos 37:32

Na qauemaicpi qalaq nauaatac na no'on da lataxac, cha'aye huotaique da ỹalauat.

Juan 3:1

Huo'o so ỹale le'enaxat Nicodemo. Somaye ỹalectaigui na fariseopi qataq na lataxala'pi na judiopi.

Hechos 5:34

Qalaxaye huo'o so ỹalectaigui na fariseopi, le'enaxat Gamaliel. Somaye damaxasoxoolec da cara'ac qanqatre'c soua namaxa'she. Se'eso Gamaliel, somaye dapaxaguenataxaatapeguec na namaxasoxonaxacpi, qaq na judiopi ỹataqta huo'o naq 'enec naqa'en somaye.

Mateo 12:12

Qaq ¡cam shiỹaxaua ỹataqta napacalec da lashiichiỹaxac acam choche qagueta! Qaq ỹoqo'oye ishet da qaỹo'otec ca ỹaỹamaqchiguiñi ca shiỹaxaua ye na'a'q mataxaqui.

Lucas 14:2

Qaq nque'elaxatta da huo'o so ỹale maye nalaua't naua lchel qataq naua lhua'q datato'ot Somaye.

Lucas 17:20

Nache nam chegaqaigui na fariseopi inattac So Jesús, da chaq lagui qaq ivita ca laloqo' da Ñim Lo'onatac 'Enauacna da do'onataxan. Nache Somaye ỹasat, 'eeta': –Ca lviraxac da lo'onataxanaxac Ñim Lo'onatac 'Enauacna, camaye saishet da qaila'a.