Lucas 13:29 - La'aqtaqa Ñim Lo'onatac 'Enauacna 2013

²⁹ Cha'aye anac qome na shiỹaxauapi maye chegaqa'ague da sheu' qataq da taguiñi qataq na chegaqa'ague da yo'oxoñi qataq da avit, da yaqto' nso'ooñi da deque'e qom netaigui da lo'onataxanaxac Ñim Lo'onatac 'Enauacna.

Nuevo Testamento Toba Sur

²⁹ Cha'ayi anac qome na shiÿaxauapi mayi chigaqa'ague da shi'u qataq da taguiñi qataq na chigaqa'ague da yi'oxoñi qataq da avit, da yaqto' nso'ooñi da lqui'aqa' cam l'onataxanqa' ñi Dios.

Nuevo Testamento Toba Sombrero Negro

²⁹ Qama'le novi't qomle ga'me jiyaĝadipi jo'ne chiyoĝogue jena'me chaĝajo'ma nataq'aen ga'me chiyoĝogue jena'me chaje'ma, jena'me cha'ña nataq'aen jena'me chauo'o, qaedi deque'y qomle da'me neteda'ague da'me lejaliaĝa joñe'me Dios.

Lucas 13:29 Referans Kwoze

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Isaías 43:6

Shenapega qome na hueta'a ye sheu', sheeta': «'avi'eguelaxat namayepi», qataq shenapega na hueta'a ye taguiñi, sheeta': «Saishet qome da 'anlletañi namayepi. 'Auanacot na ỹalaqpi ỹalleppi qataq ana ỹalepi 'alpi, chegoqchiguiña 'anqa'en yem ỹataqta pa'atec loga't ana 'alhua,

Hechos 28:28

Qaq da pa'atec la'aqtac so Pablo 'eeta': ¡Ỹataqta 'eesa da Ñim Lo'onatac 'Enauacna da huotaique da nca'alaxatec nam saishet da judiopi! ¡Cha'aye namayepi ỹataqta na'axaỹaxan!»

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Marcos 13:27

Ime, nache samaqteegalo na ỹamaxashecpi da coleelec imauec ana 'alhua, da lapona't nam Aỹem quetague'pi.

Mateo 8:11

Ỹataqta qana'axaỹaxañiichigui de'era shenapec: 'enauac naua pa'aiguelo ana 'alhua anac qome na shiỹaxauapi maye huo'o da lpi'iỹaxac Ñim Lo'onatac 'Enauacna, 'eeta'am da lpi'iỹaxac de'era ỹale. Namayepi ỹalegueua'a qome ca lta'araic lquia'axac Ñim Lo'onatac 'Enauacna qom qanayeetaigui da lo'onataxanaxac Ñimaye. Nso'ona'ai' da yaqto' lquia'axaua qome soua sachegoxosoxogueta Abraham, Isaac, qataq so Jacob.

Colosenses 1:6

De'era no'on na'axaỹaxac, damaye qaỹa'axatteguec 'enauaque naua 'aleu' maye ilotague' na Roma le'ecpi, qaq ỹataqta huo'o da lañaxataxac damaye. 'Eeta'am da qoñiita co'ollaq se'eso na'a'q da qauaỹachiñi da ỹoqta 'eesa da Ñim Lo'onatac 'Enauacna qami' ỹauoteque.

Lucas 13:30

Huaña qome, nache huo'o nam nagui nca'ataxaatauo, qaq nachena qome na la'auaxanec, qataq huo'o qome nam nagui la'auaxanec, qaq nachena nam qaipa'axaatec.