Lucas 13:21 - La'aqtaqa Ñim Lo'onatac 'Enauacna 2013

²¹ Damaye 'eeta'am peta'a aca ỹasheeraxachigui ca ndaqñiguishec maye ỹacona aca 'alo. Ime, nache ỹasaxaigui ca ldaqñiguishec, nache acamaye ima da ỹasheeraxachigui 'enauac cam ndaqñiguishec.

Nuevo Testamento Toba Sur

²¹ Damayi 'eeta'am peta'a aca ÿashiidaxachigui aca pan mayi ÿacona aca 'alo. Ime, qaq ÿasaxaigui ca lta'adaic lvigoxoshic, nachi acamayi ima da ÿashiidaxachigui 'enauac cam nvigoxoshic.

Nuevo Testamento Toba Sombrero Negro

²¹ yataqachiñe ena'am ga'me nalequetenaĝanaĝat jo'ne en yajediye q'aen nale jaga'me pan. Jaga'me yauo yalequeteneguet nale gaa'me jalcote lonanec, qaedi yema qoyen yajediye.”

Lucas 13:21 Referans Kwoze

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

1 Corintios 5:6

Qami' sa ỹaỹamaxañi da qaño'oxoreñiitapigui de'era. ¿Sa qauaỹaañiỹo' naxa da na'aqtac maye 'eeta': «Aca saq 'amaqtaq lalecte ana nauole ishet da ỹasheeraxachigui 'enauac ca ndaqñiguishec 'ayiiña»?

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

Filipenses 1:6

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

Lucas 13:20

So Jesús nataqa'en 'enapeco': –¿Chaq negue'tom ca saloqnaxanem da lo'onataxanaxac Ñim Lo'onatac 'Enauacna?