Lucas 13:19 - La'aqtaqa Ñim Lo'onatac 'Enauacna 2013

¹⁹ Damaye, 'eeta'am aca ala ana le'enaxat mostaza da ca shiỹaxaua ỹacona, ime, qaq ỹaalec ca na'alhua, ime, qaq ñaxat, ivitta'a da 'eeta'am aca qo'oipaq ỹataqta late'erai. Ime, qaq anac nam maỹopi, nache ỹo'ot na lpata'cpi ỹanaguilo naua lcoue.

Nuevo Testamento Toba Sur

¹⁹ Damayi 'eeta'am peta'a aca ala ana l'enaxat mostaza da ca shiÿaxaua ÿacona, ime, qaq ÿaalec ca n'alhua, ime, qaq ñaxat, ivitta'a da 'eeta'am aca qo'ipaq ÿataqta late'edai. Ime, qaq anac nam maÿopi, nachi i'ot na lpata'cpi naiguilo naua lcoue.

Nuevo Testamento Toba Sombrero Negro

¹⁹ yataqachiñe ena'am jaga'me mostaza jala jo'ne ga'me jiyaĝaua yaalegue ga'me lanaĝanaqa', nataq'aen nale nichiquetajeguem chayovida'a ena'am jaga'me epaq lat'edai, qama'le ga'me mayodipi yauo'oe naa'me pataque'te jo'ne yanayelo gaa'me lepeel.”

Lucas 13:19 Referans Kwoze

Daniel 4:12

Qaq ana lauepi asomaye qalaq ỹataqta 'onaxai, qataq aso ala ỹataqta qalota, nache ishet da iquia'axan 'enauacna. Na shiguiỹacpi maye huauec qalaq hueto'ot na lpaqal asomaye, qaq na qoỹopi qalaq ỹanagui na lpata'cpi ana lcouepi asomaye, qaq da lca'alaxa na shiỹaxauapi qalaq chegoqtapoigui asomaye.

Daniel 4:21

qataq ỹataqta 'onaxai ana lauepi qataq qalota aso alapi maye ishet da iquia'axan 'enauacna, qataq na lpaqal asomaye nache hueto'ot na shiguiỹacpi maye huauec, qaq ana qoỹopi qalaq ỹanagui ana lcouepi na lpata'cpi,

Hechos 4:4

Qalaxaye ỹataqta qalota na shiỹaxauapi nam na'axaỹaxaatega se'eso na'aqtaxanaxac na da'amqaanataxan. Qaq yem lcata so dalaxaic da'amqaanataxan ivi' ye cinco mil shiỹaxauapi.

Hechos 2:41

Huaña, nache nam ỹalaxaguet da la'aqtaxanaxac so Pedro, nache qanachelaxan. Nache se'eso na'a'q nquiguec nam ỹa'amaqten So Jesús, qaq ivi' ye tres mil so shiỹaxauapi maye ỹa'amaqten da la'aqtaxanaxac somaye.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Ezequiel 31:6

Qaq na ỹotta'a't maỹopi qalaq ỹanaigui na lpata'c ana lcouepi, qataq na ỹotta'a't shiguiỹacpi maye huauec, nache hueto'ot da deco'o. Qaq na lpaqal qalaq ishet da hueto'ot na qalota ỹotta'a't shiỹaxauapi.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Hechos 21:20

Qaq co'ollaq hua'aqchigui 'enauac de'era so 'amqaanataxanaxaicpi, nache ỹataqta ỹaatacot da na'achecỹaxac Ñim Lo'onatac 'Enauacna. Ime, nache qoỹeetega so Pablo, qoỹeeta': –Hua', 'am qarqaỹa qataq qanauochaxaua Pablo, cha'aye 'am mashe 'aumeteetac da qalota na judiopi da ỹa'amaqten So Jesús. Qalaxaye 'enauac namayepi ỹa'axattac da iuen da qaipactelec da qanayeegue 'enauac nam namaxasoxonaxacpi maye chegoqo'ot so Moisés.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Isaías 58:11

Qaq Aỹem, nache shecto'ot qome da 'am selotague', qataq qalota ñaqa'en na 'oq qom qoueta'a ye toolec 'alhua, qataq sanem da la'añaxac da 'aro'ocỹaxac, nache qoneta'am ca nanaxanaqa' maye qaicottalec, qataq qoneta'am aca mpa'axaatasheguem 'etaxat laỹe' maye saimeuo na 'etaxat.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Cantares 6:2

So ỹauotaxat mashe huetaigui na lañiguishe lma', ana lañiguishe maye ỹataqta ama da laitaỹaxac ana lauoxo. Qataq nqopita da nqapaxaataigui nam nañiguishe lma' nache napoctac ana lauoxo anamaye.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

Jeremías 31:12

Nache anac da do'onaxan souaxat da ntonaxac da huetalec añim qaỹoqotcheguemec Sión, nache ntootapeguec nam no'on maye chegoqo'ot Ñim Nataxala': qaq namaye nachena na trigo, lataxa qataq na aceite, ana qaguetapi qataq na huacapi. Qaq namayepi 'eeta'am qome ca nanaxanaqa' maye qaicottalec, nache saishet da qaltaq deqat da la'añaxac.

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

Isaías 53:1

¿Negue't qome ca ỹa'amaqten da qara'aqtaxanaxac? Qataq Ñim Nataxala' ¿negue't cam ỹachaxana dam la'añaxac?

Cantares 8:13

¡Ñaq aỹem 'aua'aqta'a da sa'aqtega da 'arvilỹaxac 'am maye qoneta'am na nañiguishe lma'! ¡Na ỹaỹepi iuatta'a da 'am na'axaỹaxana!

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Cantares 4:12

'Am ỹaqaỹole, maye 'am ñauonaxaua, 'am, qoneta'am ca qaỹapotaua'a nañiguishe lma', qataq aca qanpaxatteua'a 'etaxat laỹe', qataq ca ỹataqta qaỹapoteua'a npaxaatasheguem 'etaxat.

Lucas 17:6

Nache So Qarataxala' 'enapegalo' soomaye, 'eeta': –Qami' da huo'o ca qarpi'iỹaxaqui, na'aictaxa da lcatam acatai' ala maye ỹataqta qapio'ole ana le'enaxat mostaza, qalaxaye ishet da qoñiỹapega ara'ara qo'oipaq late'erai, qoñiita': «Qoca'ai ne'ena qonetaña, ime, qaq qonangui aso auaxai», qaq ara'ara qo'oipaq ishet da qami' ỹalaxagueta.

Marcos 4:30

So Jesús nataqa'en, 'eeta': «¿Negue'tom ca 'eeta'am da lo'onataxanaxac Ñim Lo'onatac 'Enauacna? Qataq ¿negue'tom ca ishet da saloqnaxana?