Lucas 13:17 - La'aqtaqa Ñim Lo'onatac 'Enauacna 2013

¹⁷ Qaq co'ollaq 'enapec de'era So Jesús, nache 'enauac nam depa'aguenataxaatac ỹataqta huo'o da la'aloxo. Qaq nam shiỹaxauapi, qalaxaye 'enauac huo'o da ntonaxac, souaxat nam ỹauaachigui ỹo'otpi So Jesús maye qaica ca 'ena'am da llo'oxoyec.

Nuevo Testamento Toba Sur

¹⁷ Qaq co'ollaq 'enapec de'eda so Jesús, nachi 'enauac nam depa'aguenataxaatac ÿataqta huo'o da l'aloxo. Qaq nam shiÿaxauapi qalaxayi 'enauac huo'o da ntonaxac, souaxat nam ÿauaachigui i'otpi so Jesús mayi qaica ca 'en'am da lli'oxoyic.

Nuevo Testamento Toba Sombrero Negro

¹⁷ Ca'li Jesús nenaĝategue da'me dojo', gaa'me laute'upi 'uo da'me lepocoqo't; qalaĝaja yema ga'me jiyaĝadipi male made'tapolqa ca'li yauata gaa'me t'adayaqa uo'oe jo'ne 'lonataqa joñe'me.

Lucas 13:17 Referans Kwoze

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

Salmos 132:18

Qaq na mpa'aguenaxauapi qalaq talec ñaqa'en da na'aloxonaxac, qalaxaye somaye sanagui qome da llo'oxoyec.»

2 Timoteo 3:9

Qalaxaye namayepi saqaỹa'ague qome da llecỹaxac, cha'aye saqaỹaloq da qaỹaỹaana'a't da qaica ca ỹaỹaanapec. 'Eeta'ama soua Janes qataq so Jambres.

Hechos 4:21

Nache so nta'alpi maye nmit da huo'o ye nasouaxashet ỹataqta ỹareetegalo soomaye, qalaxaye ỹachaxaare'c. Cha'aye saishet da ỹanata cam qaỹachegoxotchigui da yaqto' qaiuaxa'n, cha'aye 'enauac na shiỹaxauapi ỹataqta ỹo'oxoreetac Ñim Lo'onatac 'Enauacna, souaxat de'era qanayeuaigui.

Lucas 20:40

Huaña, nache so saduceopi saishet da ỹe'eguelaxalec da qaltaq inat Somaye.

Lucas 19:48

Qalaxaye saishet da ỹanata ca 'eetec, cha'aye 'enauac nam shiỹaxauapi ỹataqta ỹe'emaqtom da na'axaỹaxaatega Somaye.

Lucas 18:43

Huaña, nache se'eso qanamaic ishet da nauaañi, nache ca'ategue So Jesús, ỹo'oxoreetac Ñim Lo'onatac 'Enauacna. Qataq 'enauac so shiỹaxauapi maye ỹauaachigui de'era, nataqa'en somayepi ỹo'oxoreetac Ñimaye.

Lucas 14:6

Qalaxaye saishet da huo'o ca ỹasat somayepi.

Isaías 45:24

nache, 'eeta': ‹Nacheñita Ñim Nataxala' hueto'ot da nauegaxanaxac qataq da na'añaxac. Qaq 'enauac nam Aỹem nquiỹatega, qane'eetapigui qome.

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Salmos 111:3

Ỹataqta huo'o da llo'oxoyec qataq da la'amaqchec na lo'onatacpi Ñimaye, qaq da nalochiguiñi lo'onataxanaxac chochaq tatec, saishet da imeuo.

Salmos 109:29

Qaq na aỹem ipa'agueetac qalaq huetalec qome da la'aloxo, nache damaye 'eeta'am qome ca lapo' da napotaña.

Salmos 40:14

Ỹataqta huo'o qome da la'aloxo qataq sa ỹaỹaten ca 'eetec, na ỹauotaique da aỹem ỹalauat. Qataq dataueeguesop qome da la'aloxo na huotaique da aỹem ỹo'otec ca qauem.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Tito 2:8

Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.