Lucas 12:7 - La'aqtaqa Ñim Lo'onatac 'Enauacna 2013

⁷ Qaq nache 'eetec nataqa'en da qoñiita: Ñim Lo'onatac 'Enauacna ỹaỹaten ye lcata na laue ñi 'oonolec. Qaq ỹoqo'oye saishet da qayi'iitac, cha'aye qami' qanapacỹalec da lashiichiỹaxac ca qalota qoỹopiolec.

Nuevo Testamento Toba Sur

⁷ Cha'ayi na laue ñi 'oonolec da qoñiita ivida'a 'enauac da qanaloqteeta. Qaq ÿoqo'oyi sa ishit qome da qayi'iitac, cha'ayi qami' ÿacteec da qadashiichiÿaxaqui. Sa ishit da qoñiÿa'am da lashiichiÿaxac na qoÿopiolec.

Nuevo Testamento Toba Sombrero Negro

⁷ Qama'le da'me ami, chayovida'alo naa'me adayoqochidi', ñe'me Dios joote onolqa'tape naloqote'tape. Chane'eja ena'te ami qolanaqayaqa: qa'a ami yataqachiñe anapaquiyalegue da'me lajo'viyaĝa'j gaa'me qayoĝode' mayodipi.

Lucas 12:7 Referans Kwoze

Mateo 6:26

Ñaq qauloỹa na maỹo maye huaỹotac queto'ot na pa'asheguem, da namayepi saishet da danaxan, qataq sa deqataxan, qataq saishet da choche ỹaỹamaxat na ala ca lañiguishec. Qalaxaye Ñim Lo'onatac 'Enauacna maye Qarta'ai maye neta'ague da piguem, Ñimaye ỹanem da lquia'axac namayepi. Qaq ¿qami' saisheto' da qanapacỹalec da la'amaqchec namayepi?

Lucas 21:18

Qalaxaye saishet qome da huo'o ca 'oonolec laue ñi 'oonolec da qoñiita da deqat.

2 Samuel 14:11

Qalaxaye asomaye 'enapeco': 'Am nta'a, 'onaxaictaxa da aỹem 'anqouaguec da 'auỹaxanot Ñim Nataxala' maye 'Anatamnaxala', yaqto' que'eca shiỹaxaua maye ipaltaique lvi' souaxat da l-leuaxa ye ỹalec, saishet da nquigaxatec de'era saỹaỹamaxañi maye aỹem talec, nache saishet da ỹalauat so lỹa ỹalec. Nache so nta'a, 'enapeco': ¡Aỹem, sanot da ỹa'aqtac Ñim Nataxala' maye nca'altauec da saishet da choche 'oonolec laue ca naañi que'eca 'aỹa'alec!

1 Samuel 14:45

Qalaxaye so shiỹaxauapi 'enapego' so Saúl, 'eeta': ¡Ca 'eeteco' da ishet da ileu da Jonatán, ye damaye ỹanem co'ollaxa da lta'araic loxonaxanaxac na Israel le'ecpi! ¡Qaq saishet qome da ileu damaye! ¡Cha'aye sanqot da qara'aqtac Ñim Nataxala', da saishet qome da choche 'oonolec laue na lqaic ca talec ana 'alhua! Cha'aye dam ỹo'ot nagui damaye, chegoqchigui da ltaunaxanaxac Ñim Lo'onatac 'Enauacna. Qaq 'era da 'eetec so shiỹaxauapi da nca'alaxateeguesop da l-leuaxa so Jonatán.

Hechos 27:34

Qaq ỹoqo'oye nagui qami' ñachoxonnoiguilo da no'on da qauqui'i. Cha'aye iuen da huo'o ca qara'añaxaqui, cha'aye qaica ca ileu souaxat de'era souaqaigui.

Salmos 8:6

qataq 'aỹa'anem da huo'o naq 'enec da ilo'ogue nam 'aro'onatacpi co'ollaxa, qataq 'aỹa'anem da imata da ilo'ogue 'enauac namayepi.

Mateo 12:12

Qaq ¡cam shiỹaxaua ỹataqta napacalec da lashiichiỹaxac acam choche qagueta! Qaq ỹoqo'oye ishet da qaỹo'otec ca ỹaỹamaqchiguiñi ca shiỹaxaua ye na'a'q mataxaqui.

Da na'aqtaguec so Job 35:11

Ñim qomi' ỹapaxague'n da yaqto' saishet da shenaqta'am na shiguiỹacpi, qataq qomi' ỹaanaxanaxaiqa naqa'en da yaqto' saishet da shenaqta'am na maỹopi.