Lucas 12:58 - La'aqtaqa Ñim Lo'onatac 'Enauacna 2013

⁵⁸ Da huo'otaq huo'o ca 'am nmaxalec da 'eetega huo'o ca 'auo'otec sa ỹaỹamaxañi, nache no'on da 'anaỹamaxate' camaye qom huo'otaq saxanaxa da 'am ỹaneua'a ca nmit na nasouaxashet. Cha'aye da saishet da qonetec de'era, nache que'eca nmit na nasouaxashet ishet da ỹamaxalec ca huataxanaq le'ec da 'am ỹauegueua'a aca ncoñetaxanaxaqui.

Nuevo Testamento Toba Sur

⁵⁸ Cha'ayi sa iuena'a da huo'otaq huo'o ca 'am ÿasaxalec ca 'adasouaxashit, ime, qaq 'am ÿauegueu'a ca nta'a. Qaq qom ña qoquetague' ca nqa'aic, qaq no'on da 'anpogoxoinapegue' da 'anaÿamaxate' camayi, yaqto' sa ishit da 'am ÿauecau'a cam nmit na nasouaxashitpi. Cha'ayi que'eca nmit na nasouaxashit ishit da 'am ÿaneu'a ca huataxanaq, qaq que'eca huataxanaq ishit da 'am ÿamaxaigui aca ncoñitaxanaxaqui.

Nuevo Testamento Toba Sombrero Negro

⁵⁸ Qom cha'li oquegue ga'me adauteua da'me auec'achiya ga'me nec'atenoqo't ga'me jiyaĝadipi, qama'le 'noota qom auapitaqatenaac da'me qaedi yovida'a da'me aniyamaĝadeneguet queda'me cha'li 'uo da'me adedaqa', qaedi ja am 'te yauega ñe'me nec'atenoqo't. Qa'a qom ja naq'aeta ga'me aua'uo, qama'le ñe'me nec'atenoqo't am yanoue ñe'me vitaĝaic, qama'le ñe'me vitaĝaic am yamaĝaue jaga'me coñetaĝanaĝaiqui.

Lucas 12:58 Referans Kwoze

Mateo 18:30

Qalaxaye se'eso namaxashec saishet da ỹasateguet, nachaqrata da damaxasoxoolec da qaỹauegueua'a aso ncoñetaxanaxaqui, choche ivitta'a da isheeten 'enauac aso lavigaxaiste somaye.

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Salmos 32:6

Qaq ỹoqo'oye da qanayeuaigui da que'eenaxac, nache na 'am quetague'pi 'am iỹaxanot, qaq na'aictaxa da ỹa'auat na 'etaxat qataq npaxaasheguem, qalaxaye saishet da ivitsheguema namayepi.

Da na'aqtaguec so Job 23:7

cha'aye camachaqca shiỹaxaua no'on da lataxac, ishet da da'aqtaxanem Ñimaye ca huaigui, huaña taxa nache qaica naqa'en ca ỹasouaxashet, qataq huesochiguiñi naqa'en aỹem.

Da na'aqtaguec so Job 22:21

Qaq ỹoqo'oye 'am Job, 'avi'eguelaxa qome da 'anmane' Ñim Lo'onatac 'Enauacna, yaqto' 'am ỹe'eguelaxatot qome da qaica ca 'aueetac.

Apocalipsis 20:7

Qaq qom mashe inoxoore'c caua mil vi'iye, nache so pa'aguenataxanaxaic qaisoueeguesop da ncoñetaguec.

1 Pedro 3:19

Qaq huaña, nache jec da da'aqtaxanem som saqcha'a nca'alaxapi maye qaicoñettai' da mashe dauegaxan Somaye.

2 Pedro 1:15

qalaxaye aỹem ỹataqta ñepogoxoueetapegue' da yaqto' qami' qantooñita'ac de'era iqataxac, na'aictaxa qom mashe ime da seleu.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.