Lucas 12:56 - La'aqtaqa Ñim Lo'onatac 'Enauacna 2013

⁵⁶ Qaq ¡qami' maye qoñiỹapec da qami' 'eesora! Qami' qauaỹaañi da qaua'axache na la'anaxatpi na piguem qataq ana 'alhua, qalaq ¿ta'ainco' ye saishet da qaua'axache da lataxac naua souaqtaiguilo na'axa'te nagui?

Nuevo Testamento Toba Sur

⁵⁶ Qaq ¡qami' mayi qoñiÿapec da qami' 'eesoda! Qami' qauaÿajñi da qau'axachi na l'anaxatpi na piguem qataq ana 'alhua, qalaq ¿tá'ainco' yi sa ishit da qau'axachi da lataxac naua souaqtaiguilo na'axa'te nagui?

Nuevo Testamento Toba Sombrero Negro

⁵⁶ ¡Yataqachiñe da'me ja ami 'te yataqatelo'te! Qom eja auayachiñe da'me a'uaĝachetac da'me 'loyaĝac di'me piyem, nataq'aen jena'me aleua, qama'te ¿toqoch'e ja auayachiñe ta'le a'uaĝachetac gaa'me noloqo'ote jo'ne ovitauelo?

Lucas 12:56 Referans Kwoze

Mateo 16:3

Qaq da ña nte'etom, qalaq qoñiita': «Ỹoqta da qauem na na'a'q, cha'aye ỹataqta toc da nala' lliguisheguem qataq napalgui.» ¡Qami' maye qoñiitega da qami' llalqa Ñim Lo'onatac 'Enauacna! Ỹataqta qauaỹachiñi da qaua'axache da lataxac na piguem. Qaq ¿ta'ainco' qone' ye saishet da qauaỹaañi da nam so'ottacpi nagui namayepi la'anec Ñim Lo'onatac 'Enauacna?

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

1 Crónicas 12:32

Qaq so nhuo' le'ecpi maye chegoxoguetpi so Isacar, ivi' doscientos so nataxala'pi maye ỹaỹateeta'aguelo naua na'axa'te, qataq ỹaỹateeta'a nam taỹa'a da ỹo'ot so Israel le'ecpi, qaq som lauo' le'ecpi ỹo'ottac nam damaxasoxoolecpi somayepi.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.