Lucas 12:49 - La'aqtaqa Ñim Lo'onatac 'Enauacna 2013

⁴⁹ Aỹem ñanac da se'eraxatoigui ca norec ana 'alhua, qaq ¡Aỹem ỹataqta huo'o da iyaxa da nale'en, nache 'eroigui camaye nagui!

Nuevo Testamento Toba Sur

⁴⁹ Aÿim ñanac da se'edaxatoigui ca nodec ana 'alhua, qaq ¡aÿim ÿataqta huo'o da iyaxa da nal'en nachi 'edoigui camayi nagui!

Nuevo Testamento Toba Sombrero Negro

⁴⁹ “Ñanaequena qaedi jetetoue ga'me dole' jena'me jenjo' aleua; qama'le ¡chiliajaĝa nayi da'me joote edoue!

Lucas 12:49 Referans Kwoze

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Juan 9:4

Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Lucas 12:48

Qalaxaye cam namaxashec maye ỹoqta 'itchiguiñi da sa ỹaỹaten cam ỹo'ottac maye ishet da chegaqaigui da huo'o qanqa'en ca nhuaxanaguec, qaq camaye saq 'amaqtaq qome ca nhuaxanaguec. Ñim Lo'onatac 'Enauacna ỹataqta qami' ỹauoteque, ỹoqo'oye nataqa'en iuen da qauauochec Ñimaye. Qaq de'era 'eetec da Ñimaye qami' ỹachaxanalo da lqouagaxanaqtaic, qaq nataqa'en Ñimaye qami' iuatta'alo da qauachaxañi nataqa'en da qarqouagaxanaqtaiqui da qauo'onataxañiỹot Ñimaye.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.